 |
| 三刀開柑法 |
 |
| 我家的柑樹己見開花 |
 |
| 呢瓶內的柑皮有16年多,一打開瓶蓋就聞到一陣陳皮香味 |
 |
| 呢瓶內的柑皮有五年多 |
 |
前幾日朋友比了幾個他自家種的柑給我,柑好细個,重量只有80克但很甜,我家後花園也種有一棵柑樹,產量很少每年大約十幾廾個,可能兩旁有大樹遮擋,日光不足,有時朋友比些,有時見超市大造也買些回來,每次吃完後就把柑皮穿起哂乾做陳皮,理論上任何地方生產的柑,皮都可以做成陳皮,只要經過日哂,儲存,陳化之後就成為陳皮,廣東新會產的柑最出名,因果皮香油多些,陳皮是廣東三寶之一,用途極廣,可沖茶亦可做菜,如陳皮鴨陳皮燒鹅等,煮红豆沙加些舊陳皮味道完全不同.
幾個月前睇過香港一電視台的特輯講香港有好多人炒賣陳皮,新會仲有陳皮交昜所,我完全唔識呢個交易所的背境和操作,也不知道政府有沒有監管?更不知道交收風險如何,所以無法評論,而我自己製做收藏,只來自家食用,因為外面買的好多都是假野,有些無良奸商用普洱茶浸一段時間後哂乾,有些又用人工色素染製,作為舊陳皮賣,因為陳皮愈舊愈值錢,老表一向有做假的方法,加上技術優良,一般普羅大眾不容昜分辨真偽,所以買陳皮最好不要貪平,要去有信譽的商店購買.
果皮在未成為陳皮之前，其價值相當便宜（因要超過十年的才可以稱得上陳皮）。
回覆刪除記得有一年我行經筲箕灣街市，就見過十元一大袋的新曬果皮，其實這也有好處，買回家再曬多時日來收藏，起碼省卻了開頭的許多功夫！
Shu 兄，果皮未陳化之前梗係便宜啦，只能叫果皮乾，吓要超過十年咁耐才稱得上陳皮，我都唔知要超過十年以上，我以為三/五年就叫做皮。
刪除香港天氣潮濕，果皮遇到回南天就容易發霉生蟲，所以要每年拿出來翻哂二至三次，然後又放回鐵罐內等陳化。
靚陳皮千金難求，我試過哂果皮但遇到回南天就發霉了！
回覆刪除Stella 姐，香港天氣潮濕，不要說陳皮易變，就算鋼鐵做的車也很快生銹，我下次返香港帶些比你，反正太多都是送比朋友。
刪除謝謝分享! 祝元宵愉快!
回覆刪除Candy 姐，多謝，也祝你元宵快樂。
刪除Wai 兄晚上好,
回覆刪除上得10年以上嘅陳皮算係寶嚟喇,
華兄，下午好。
刪除十幾二十年算適合，陳皮舊比較好些，不過我睇書介紹過超過75年以上就會化哂，一碰就變碎哂，所以極限都是三幾十年，其實d 人攞泥炒，咪話一百幾十年陳皮值錢。
Wai 兄、你說得對、陳皮係越舊越貴。我在新會見過那些超過五十年嘅陳皮原來係四百幾元一両。
回覆刪除域Sir ，若果真係超過五十年靚紅皮，依家新會市價每両四萬五港元。
刪除