文東記

一小碟燒腩肉好味

海鲜伊麵,伊麵同香港的不同

金銀蛋波菜

咕噜肉

招牌菜海南雞

兩年多前有一颱風叫天兔吹襲香港,剛好當時我約好了老媽,细佬兩公婆細妹外甥女等一共八人在新架坡會合,他們搭機到新架坡那天早上,聽電台新聞話可能會改掛更高風球,我心想今次好麻煩啦,已經訂好了的酒店,買好了環球影城門票,去馬來西亜新山 LEGOLAND 門票和交通,他們不能飛來怎麼辦呢?我老媽是天主教徒,佢話感謝天主喎,搭到當日早上的飛機,下午所有飛機要停飛,第日下午我們就去呢間文東記吃海南雞飯,當時要在門外等位,今次就不用等,呢間的海南雞算好味,呢餐可算便宜,吃咁多野連啤酒汽水80坡元有找.

新架坡素以海南雞飯出名,仲話是他們自家創製,其實海南雞飯發源於海南島文昌市,海南人移民南洋後,做小販隨街擺賣雞飯,後來演變為海南雞飯,我20多年前去過文昌,因為我細佬老婆就是海南島文昌人,吃過文昌走地雞,個次亦是唯一的一次,雞肉滑嫩雞味香濃,到依家仍念念不忘.墨爾本有幾間馬來餐館,不過做出來的海南雞飯實在不好吃,最太原因是冇走地雞,全部用雪雞,雞肉冇雞味又鞋,所以都好少吃.

樟宜機場

樟宜機場

免費腳底按摩器

代用金贈券

豬肉乾

肉骨茶套餐

100坡元零用錢給小女,叫她買書本雜誌零食,但她拿來買坡佬生產的護膚品,我想買坡佬生產的紅花油,驅風油,黑鬼油還可以,護膚品唔掂喎.

另外80元代用券買2技免稅威士忌回來

前幾日睇到一單新聞報導,香港國際金融中心排名第三的位置已經被坡佬替代,香港人自己又不爭氣,無言啦.今次搭新架坡航空到馬爾代夫,經新架坡轉機,樟宜機場去年又再次蟬聯全球最佳機場,我不知道評分標準如何計算,但我們轉機時每位旅客每程有20坡元現金代用券送贈,來回每位總共40元,其中20元可以用來吃喝購買任何物品,而另外的20元只能買免稅煙酒香水,我同老妻拿來吃肉骨茶套餐,小兒小女吃麥當勞,還剩下20元,補了幾元買了半公斤豬肉乾帶上飛機吃,因小女從不吃飛機餐,話飛機餐唔好食喎,真係奄尖.機場又裝有好多部免費腳部按摩器,你鍾意享受幾耐就幾耐,墨爾本機場內的就要入零錢每次2元大約10分鐘,樟宜機場仲有安排免費旅遊巴士市內遊覽,如果旅客等候轉機時間超過8小時,至於香港國際機場有沒有提供以上的服務小弟就不知道了.

我去過都有幾十個機場,香港機場硬件算是一流,而且過移民局過海關,快捷便利,只有提取行李等得比較耐,安檢又嚴格,可惜十年功夫一朝喪,今次比梁特首千金打爛了招牌,因她已經過了移民安檢後,才發覺遺漏了一件行李在機場禁區外,本來小事一件,咪出去取番入來咯,點知呢位千金同佢亜媽,以為自己有特權,用自己的手機打電話比佢老豆梁特首傾完後又交比地勤傾,梁特首在通話中吩付要人幫她取回件行李帶入禁區,呢單原本小事變成大新聞,聽聞爆料給傳媒的地勤已遭解僱飯碗不保,若果是真的,梁特首你真係冇陰公咯.

日落觀豚遊

唯一的一個水泡,再望遠些見到黑色包住的就是救生衣

 

每人送一杯果汁punch

今次日落觀海豚遊船河,是度假村送給全包團的旅客,若果要付費每位大約40美元,名義上話送,實則全包餐加入了費用,呢個世界冇免費午餐,羊毛出在羊身上,馬爾代夫算落後國家,海上安全意識低,可能仲好過香港,原因是香港自從發生南丫島撞船意外死咁多人之後,我本人已經將香港海上安全列入落後國家行列,上船後見到救生衣全放在船頂的架上,全船只有一個大水泡綁在船頂上,我老妻唔識遊水,我同佢講如果發生沉船意外,你第一件事就是去搵呢個唯一的水泡,搵唔到算你唔好彩啦,鬼叫你後生時唔學遊水,相反今次船員話我們好彩,見到好多海豚,若果天氣不佳,好多時缘慳一面.

20幾位遊客中,有一對香港新婚夫妻來這裡度蜜月,之前在餐廳吃餐時跟他們點頭打過招呼,今次他們坐在我旁邊,男的大概20多歲,我和他只交談了10幾分鐘,感覺呢位靚仔都幾本事,年紀輕輕,出來社會做事幾年,兩人有計劃存夠首期在將軍澳買樓,亦去了幾個國家旅行,今次到馬爾代夫度蜜月,英雄出少年值得佩服,起碼叻過黃痴瘋好多,我同他年紀時有可能我賺的錢比他多,可惜我搵咁多使咁多冇錢剩.

Scuba Diving 水肺潛水




法國靚女教練 相片中顯示的時間是墨爾本時間快馬爾代夫五小時



小女背負氣樽話好重

黃色的呼吸器是救援人救你時用的

馬爾代夫每個度假村都有水上運動中心,差不多大部份都有 Scuba Diving 水肺潛水,我和小兒小女是第一次試,以前直覺潛水好容易學,識遊泳就掂,事實上是不容易的,以前睇過台灣著名女小說家三毛的一本書,撒哈拉的故事,她的丈夫西班牙人名字叫荷西,是一名專業潛水員,很不幸在一次潛水操作中意外身亡,而我以前在香港炒股証券行老闆的女兒也是持有PADI証書的潛水員,也是在一次潛水意外過身,每次想起都有些害怕.

報名參加水肺潛水,不是你話想報名就報名,法例規定若果24小時之內要搭飛機是不準參加,有高血壓,心臟病亦無缘參加,報名後先要上堂大約30分鐘,有講義播放一段簡單錄影片段,教水中動作的手勢,有一個红色的按制,若有緊急求援就按,穿上潛水衣後在腰間綁上有三至四條鉛塊的腰帶,作用是增加身体重量向下沉,左手邊有一條喉連接著潛水衣和氣樽,有兩個按紐,一個加氣一個減氣,想向下就按減氣,想向上升就加氣,初學者最深只能潛到12米,我只潛到8至9米就感覺辛苦,換氣困難,雖然有法國籍靚女教練在我身旁拖住我的手,她知道我係有些怕,小兒小女潛到12米仲話可潛深些,不過教練唔準喎,想起當日有另外一位德國籍教練問我認不認識 Allan Kwok是香港電影明星?他教過他潛水,我說不知道,後來小兒話我知是郭富城.

Veligandu 度假村

水上屋

旅遊馬爾代夫最麻煩是揀選度假島,因有百多個島每個島只有一間度假村,有平有貴有遠有近,有些以浮潛取勝,有些以海灘服務價錢吸引,我揀呢間四星度假村,是參考網上評語和 Lonely Planet 的介紹,大約預早七個月前訂復活節的三天水上屋water villa ,度假村每房送一枝香檳,若果遲一些就訂不到水上屋,只能訂沙灘屋,住水上屋有無敵海景,喜歡幾時下海遊泳就幾時遊,坐在陽台喝杯咖啡看日出日落,不聞車馬市聲,不問股市升跌,所有煩惱抛諸腦後巧舒服.

馬爾代夫度假村的膳食,大多數是分半包 half board 包兩餐,早餐午餐或早餐晚餐,全包full broad 早午晚三餐,有些更有 all inclusive plus 包括所有連酒在內的飲料,我見好多網友介紹揀 all inclusive plus,仲有送兩次遊船河,一次早上民居島遊,一次黃昏觀海豚遊,所以我揀 all inclusive plus 咯,不過三餐都是自助餐,總共吃了九餐,連我老妻仔女最喜歡吃自助餐都話怕啦,若果有人問我,我會建議他們揀半包餐half broad.

Seaplane 水上飛機

赤腳機師

從水上飛機遠眺 Male市

鬼佬旅遊天書 Lonely Planet  介绍馬爾代夫 Top 9  其中之一是搭水上飛機,說當今世界上只有幾個地方有水上飛機可坐,值得一試的經歷,見到飛機師大部份都是赤腳,我問其中一位機師,飛行高度有幾高?他說大約500至600米,但我用自己部 Nikon AW130 測過,全程最高才220多米,本來想走去搵他求正一下,也想 send email 去呢間水機公司,算啦反正我又不是出書,爛鬼博文冇乜人睇,飛行速度大約時速200公里,呢程水上飛機去我們住的度假島單程約20分鐘,但票價極昂貴,來回要310美元,有好多島冇快艇可到,焗住要坐內陸機或水上飛機,水上飛機最多只能坐15人,晚上6點後又不能飛,天氣不好時又不能飛,馬爾代夫最好天氣是十二月至四月,即是全年旺季,過了四月後會有風有雨,遇上天氣惡劣時水機會延遲,乘客不夠時更要飛去其它島載客,所以有時要等好耐,要有心理準備,因此淡季去時便宜好多.