 |
| 唯一的一個水泡,再望遠些見到黑色包住的就是救生衣 |
 |
 |
 |
 |
 |
 |
 |
| 每人送一杯果汁punch |
今次日落觀海豚遊船河,是度假村送給全包團的旅客,若果要付費每位大約40美元,名義上話送,實則全包餐加入了費用,呢個世界冇免費午餐,羊毛出在羊身上,馬爾代夫算落後國家,海上安全意識低,可能仲好過香港,原因是香港自從發生南丫島撞船意外死咁多人之後,我本人已經將香港海上安全列入落後國家行列,上船後見到救生衣全放在船頂的架上,全船只有一個大水泡綁在船頂上,我老妻唔識遊水,我同佢講如果發生沉船意外,你第一件事就是去搵呢個唯一的水泡,搵唔到算你唔好彩啦,鬼叫你後生時唔學遊水,相反今次船員話我們好彩,見到好多海豚,若果天氣不佳,好多時缘慳一面.
20幾位遊客中,有一對香港新婚夫妻來這裡度蜜月,之前在餐廳吃餐時跟他們點頭打過招呼,今次他們坐在我旁邊,男的大概20多歲,我和他只交談了10幾分鐘,感覺呢位靚仔都幾本事,年紀輕輕,出來社會做事幾年,兩人有計劃存夠首期在將軍澳買樓,亦去了幾個國家旅行,今次到馬爾代夫度蜜月,英雄出少年值得佩服,起碼叻過黃痴瘋好多,我同他年紀時有可能我賺的錢比他多,可惜我搵咁多使咁多冇錢剩.
Wai搵咁多使咁多，長使長有，勁本事！
回覆刪除很欣賞那年青人，但我相信首期都要家人幫助。
Stella 姐，勁本事？唉我依家都冇晒拚搏的精力咯，日過西山時不予我。
刪除好多人真係有本事，去年返香港飲我朋友兒子的婚宴，他就是靠自己和老婆攪掂供樓的首期，我細佬的兒子即是我姪仔也是一様，他剛拿到碩士學位，網友秋葉阿姨個多月前留言她的女婿也是一樣有本事。
偉兄過獎了，我覺得如果小婿不把他自己的幾十萬拿去舖排婚禮，留著更有好處。
刪除不過那一場婚禮真是很有心思，做到賓至如歸。小女目前也沒有去工作，安心在家湊孩子，這點也得要感謝他。
阿姨，你女婿年青又有本事，結婚花幾十萬不算多，而且太太更不用做工，真係值得佩服架。
刪除天生我才必有用，千金散盡還復來，這就是很多人都做不到的本事！
回覆刪除Wai 兄莫大謙遜了……
Shu 兄，後生時我就是有咁様的想法，使咗先算啦，咪害死啦，洗慣用慣都唔想再積畜，依家無計咯，就算有金執，都唔夠氣力同人爭。
刪除在台灣花蓮縣也觀望過,海豚一大群靠攏,但很細小的
刪除Peter兄，我見到的都好大條，船員說每年五月至十月時不是每天都有機會看到。
刪除威兄、在黃昏咁靚嘅景色之下觀想海豚、乃人生一大快事、物有所值喇！
回覆刪除痴瘋讀書不成才跑出來搞搞震、暫時撈番多少花旗津貼、到自己夠秤時就要靠班擁躉抬佢人垃圾會做議員。
域Sir，黃昏遊船河，見到夕陽冉冉西沉，真係人生樂事。
刪除對呀，痴瘋讀書不成，又無一技之長，如何謀生？依家咪攪攪震等機會咯。