 |
| 一小碟燒腩肉好味 |
 |
| 海鲜伊麵,伊麵同香港的不同 |
 |
| 金銀蛋波菜 |
 |
| 咕噜肉 |
 |
| 招牌菜海南雞 |
兩年多前有一颱風叫天兔吹襲香港,剛好當時我約好了老媽,细佬兩公婆細妹外甥女等一共八人在新架坡會合,他們搭機到新架坡那天早上,聽電台新聞話可能會改掛更高風球,我心想今次好麻煩啦,已經訂好了的酒店,買好了環球影城門票,去馬來西亜新山 LEGOLAND 門票和交通,他們不能飛來怎麼辦呢?我老媽是天主教徒,佢話感謝天主喎,搭到當日早上的飛機,下午所有飛機要停飛,第日下午我們就去呢間文東記吃海南雞飯,當時要在門外等位,今次就不用等,呢間的海南雞算好味,呢餐可算便宜,吃咁多野連啤酒汽水80坡元有找.
新架坡素以海南雞飯出名,仲話是他們自家創製,其實海南雞飯發源於海南島文昌市,海南人移民南洋後,做小販隨街擺賣雞飯,後來演變為海南雞飯,我20多年前去過文昌,因為我細佬老婆就是海南島文昌人,吃過文昌走地雞,個次亦是唯一的一次,雞肉滑嫩雞味香濃,到依家仍念念不忘.墨爾本有幾間馬來餐館,不過做出來的海南雞飯實在不好吃,最太原因是冇走地雞,全部用雪雞,雞肉冇雞味又鞋,所以都好少吃.
現在走地雞難求....
回覆刪除Stella 姐，依家到處禽流感，所以走地雞買少見少。
刪除記得早幾年去海南旅行時,見成隻真空包裝的海南雞都好暢銷。
回覆刪除唔係你講都唔知有真空包裝的海南雞賣喎，真係有做生意頭腦。
刪除可能中國人喜歡吃雞，所以就只文昌雞能得海外聞名……因為其它的三寶如嘉積鴨、東山羊、和樂蟹就冇咁多人知道啦！
回覆刪除Shu 兄，冇錯，呢幾樣嘢後生仔女點會知道，我好似聴過有嘉積鴨，東山羊，至於和樂蟹就冇聽過，因為比洋澄大閘蟹搶哂風頭。
刪除Wai兄、講出來都幾諷刺、有日我問起一位海南島朋友、佢居然話畀我聽、佢唔知乜嘢係海南雞飯。後來我才明白、等同香港人係唔會叫奶茶做「港式奶茶」嘅道理一樣。
回覆刪除域Sir，有d 人真係唔識架，好似漢堡飽，德國漢堡人也知不是他們原產地，只知是老美用他們的名，又好似日本壽司加州卷，加州人亦知加州冇，只知道日本仔用他們的名。
刪除d伊麵啡色確係搞笑~不過好味就得啦~~~~
回覆刪除我都好鐘意新加坡d野食~
靓女,伊麵真係完全唔同,不止顏色,連味道都唔同.新架坡真係好多野食.
刪除我呢度d人就相反，要吃雪雞，即係那些在大農場困住養，吾駛行就有得食那些快大雞。走地雞佢話瘦蜢蜢無肉，有肉也韌不好吃。有人甚至未見過走地雞的黄油而怕怕不敢吃，因為那些雪藏肥雞的油是淡黄色的!
回覆刪除我也很喜歡吃海南雞飯。尤其是上桌時還是有點熱的最好。最怕吃那些上桌是凍的雞肉。
回覆刪除