Melbournestar 摩天輪

摩天輪入口

晚上吃完飯回程時拍的 

Melbournestar 摩天輪是繼新架坡,倫敦之後世界第三大,幾年前開咗冇幾耐,大約三十多天後,就因機械故障停開,一停經年,攪到連間公司都破產摺埋,後來比一間日本仔的公司收購咗,維修好了後於去年年尾再從開,二個多星期前帶同朋友去坐咗一轉,坐一轉大約三十分鐘,可遠眺墨爾本市中心的高樓大厦.

當初開時亦想去坐一次過下隱,後來都冇坐,因想到新架坡佬的 Singapore flyer 亦因初開時電力不能負荷,停咗電六個多小時,陰公咯班友全部被困在個鐵籠內差不多六個多小時,叫天不應,叫地不聞,所以去年到 Singapore flyer 都冇坐,而且票價又貴,只有在 flyer下 吃咗一件亞坤多士.

以前睇過一位網友,靚女詩人蜓子寫過一首詩,摩天輪下看人生,詩寫得很好,想沾些文藝氣息,把詩貼在這文,我 send 咗 email問她可不可以轉貼? 她說 OK冇問題,可惜我不知把那首詩放在那裡,找極都找不到出來.

下面有連結介紹.
http://www.melbournestar.com/

陳浩德歌迷晚宴

晚宴



海龍皇羮



薑汁大虾



 



嘉賓 Paris xu 





尋晚去咗陳浩德的歌迷晚宴,我想因為法律上的好多問題,如稅務,牌照,保險等,不能叫演唱會改叫歌迷晚宴,原本我不去的,我從冇聽過有呢個歌星,留係屋企早睡,半夜起床睇世界杯仲好,但我老婆朋友有事不能去,所以要我去,晚宴吃的就是相片中的個幾樣嘢有兩樣影到效果太差所以冇貼上,筵開20席,大約200人参加.


司儀介紹他上臺唱的第一首歌是他的成名歌,悲秋風,因冇樂隊伴奏,只有用卡拉 OK 伴奏,他說自己是亞爺級,記憶不太好,所以唱每首歌之前要看貓紙,因卡拉 OK已編排好每首歌的次序,不能點唱,他邊行邊唱,行遍每張枱,握手影相,每圍枱都有利是封幾個,我都封咗一封小利是比佢,山長水遠的來才得200人聽,賺得幾多呢?


呢個晚宴的攪手就是呢個婚宴場的老闆,我老婆打電話問何處購票,他問要多少張?我老婆話要三張,門票當晚就送到寒舍.冇法啦生意好難做,仲有尋晚佢同我講,呂良偉十月來,要不要買票支持?吓呂良偉識唱歌嗎?

北印度餐





butter chicken





tendoori  beef





curry lamb cutlet






basmati rice



呢間印度餐廳是家庭式經營,己開了十多年,在我家附近,我們間中有去幫襯,他們賣的是北印度餐,差不多所有印度餐多是北印度,其中以牛油雞 butter chicken ,tikka, biryani, tendoori, samosa, roti 等比較多人認識,上個星期三,小兒小女和我遊完水後去吃晚餐,老闆的女兒同我說,呢排生意很差,叫我多些幫襯,整個晚上到我埋單走人,只有我們三人,好彩呢度租金不像香港的無良地產霸權,瘋狂加租,否則一早摺埋啦.

.





Pasta 意大利粉




Fettuccine





Tortelloni





Cannelloni





Ravioli





Agnolotti






Risoni





Penne





Bawtie



睇到網友 SHU 兄介紹意大利粉,又使我想起幾年前朋友帶我去参觀過的一間意大利粉工廠, 他是埃及人,在意大利讀完三年廚藝課程後留在意大利當了十多年厨師,後來以技術移民來澳,在一意大利餐廳任職多年,七年前辭職創業,開咗呢間意大利粉工廠,生意不錯,當日我見工廠請有十幾位工人,全都是亞洲人,可能亞洲人比較勤勞.‧

意大利粉有幾十種,通常分兩種,一種乾的如 spagehetti, linguini, risoni, bawtie, fettuccine, penne macaroni,等,另外一種冷凍的如 agnolotti, ravioli, cannelloni, tortelloni等,我認識大約廾多種,他工廠生產冷凍的多,賣比餐廳和超市,因賣得好價錢,而且競爭又不大,他說乾的不夠大廠爭,因一部全自動化生產機器要150萬澳元.因我去過埃及,能說二句亞拉伯文,他送咗幾包給我帶回家,在此也要講一声多謝.

買許冠傑斤両十足演唱會門票






訂位確認証明書



許冠傑今年八月來澳洲開兩場演唱會,先雪梨後墨爾本,墨爾本是他第一次開,他今年已經66歲,還有如此好體力開演唱會,我都買咗兩張票捧場,不過呢個主辨機構銷售門票的方法真係極差,不能網上預售,打電話預訂亦不接受,要本人親身前去交錢作實,個辨公室在市中心的唐人街,揾位泊車又麻煩,又貴,而且仲要等通知,要去多一次攞入場門票,因暫時未有門票,費時失事,真攞命.

他演唱的地點是皇冠賭場 Palladium 香港的幾位歌星,如陳慧琳,羅文都開過,我老伴同她的朋友都有去睇過,但我冇去過,她的其中一位朋友,是我一位好友的姨仔,大約十三年前,當晚睇完羅文演唱會後,話要留低跟人玩兩手百家樂,個晚是她第一次賭錢,贏咗千多元,輸錢皆因羸錢起,自此染上賭癮,不能自拔,有次我在街上遇到她,問她點呀?她說輸得傷,戒賭啦,可惜戒咗一段時間後又再去賭,最後連間屋都輸埋,夫婦二人要搬到她兒子那裡同住,真惨.