香草煎羊架

Rosemary 迷迭香

Thyme 百里香

年多前朋友送的日本梅酒,飲了年多仲未飲完

前晚飯後散步,行下行到去我家附近的超市,入去見到羊架新鮮兼且又減價每公斤25.5元,老妻話未減價要35元,順手買了兩排共12片,尋晚整個香草煎羊架,香草是自己種的,香草切碎後加蒜頭,黑胡椒粉,鹽油醃半粒鐘,鬼佬叫法是marinated ,然後放在平底煎鍋上煎幾分鐘,七至八成熟就好了,本來想開枝紅酒,見上次日本仔的梅酒仲未飲完,倒一杯送羊架真係巧正.

意大利餐

Rib eye 牛扒

T bone 牛扒

今晚小女話想去鋸扒喎,都唔知去邊間,想來想去不如就去呢間意大利餐連鎖店 La  Porchette 呢間離我家很近,開車只要幾分鐘,我們六點多去到,以前去過好多次,冇去都有大半年,原來又再轉了老闆,又再裝修過,之前幾年亦曾轉過手亦裝修過,但是不知道甚麼原因,生意總是做不起,今晚我們去到不用等位仲有好多空位.

我們點了兩客 Rib eye 牛扒,一客 Chicken Schnitzel 一客 T bone 牛扒,一渣可樂一支啤酒,埋單165元,價錢不貴,味道算不錯,地點位置極好,亦有大量泊車位,奇怪就是不知道為何生意做不起?做生意有時都要講運氣,雖然轉手多次,裝修多次亦冇用, 我想不如換下口味轉做馬拉餐或越南餐可能會好好多.

西式晚餐

頭盤

頭盤

我點的牛扒

朋友點的燒腩肉

焗三文魚

羊架

日本仔式天婦羅炸西蘭花

餐後甜點

餐後甜點

尋晚鬼佬朋友又請我去吃西式晚餐,地點是希爾頓酒店,以前墨爾本有兩間希爾顿,另外一間以前去過兩次,自從去年關了門,從新裝修後改佐另外一個名字,不知道改了甚麼名字,到依家我仍未去過,而呢間就去過五至六次,有次朋友兩夫妻從香港來我請他們在這裡鋸扒,因為靠近市中心,坐位相隔寬闊空間多,而且價錢又不貴,食物質素不差,每天晚上有大批捧場客.

他前兩日打電話給我,話訂了檯仲約好了其它兩位朋一起吹水吃晚餐,我說唔想去啦,次次都是你埋單,佢話 C.Y.Leung (梁振英)請,你唔鍾意可以唔去,我係你老朋友你一定要來,尋晚我同佢講今日我短炒一隻港股賺了差不多三千港元,今餐我埋單請你們,鬼佬話三千港元唔夠,等下次賺夠三十萬元先再請喎.

文東記

一小碟燒腩肉好味

海鲜伊麵,伊麵同香港的不同

金銀蛋波菜

咕噜肉

招牌菜海南雞

兩年多前有一颱風叫天兔吹襲香港,剛好當時我約好了老媽,细佬兩公婆細妹外甥女等一共八人在新架坡會合,他們搭機到新架坡那天早上,聽電台新聞話可能會改掛更高風球,我心想今次好麻煩啦,已經訂好了的酒店,買好了環球影城門票,去馬來西亜新山 LEGOLAND 門票和交通,他們不能飛來怎麼辦呢?我老媽是天主教徒,佢話感謝天主喎,搭到當日早上的飛機,下午所有飛機要停飛,第日下午我們就去呢間文東記吃海南雞飯,當時要在門外等位,今次就不用等,呢間的海南雞算好味,呢餐可算便宜,吃咁多野連啤酒汽水80坡元有找.

新架坡素以海南雞飯出名,仲話是他們自家創製,其實海南雞飯發源於海南島文昌市,海南人移民南洋後,做小販隨街擺賣雞飯,後來演變為海南雞飯,我20多年前去過文昌,因為我細佬老婆就是海南島文昌人,吃過文昌走地雞,個次亦是唯一的一次,雞肉滑嫩雞味香濃,到依家仍念念不忘.墨爾本有幾間馬來餐館,不過做出來的海南雞飯實在不好吃,最太原因是冇走地雞,全部用雪雞,雞肉冇雞味又鞋,所以都好少吃.

樟宜機場

樟宜機場

免費腳底按摩器

代用金贈券

豬肉乾

肉骨茶套餐

100坡元零用錢給小女,叫她買書本雜誌零食,但她拿來買坡佬生產的護膚品,我想買坡佬生產的紅花油,驅風油,黑鬼油還可以,護膚品唔掂喎.

另外80元代用券買2技免稅威士忌回來

前幾日睇到一單新聞報導,香港國際金融中心排名第三的位置已經被坡佬替代,香港人自己又不爭氣,無言啦.今次搭新架坡航空到馬爾代夫,經新架坡轉機,樟宜機場去年又再次蟬聯全球最佳機場,我不知道評分標準如何計算,但我們轉機時每位旅客每程有20坡元現金代用券送贈,來回每位總共40元,其中20元可以用來吃喝購買任何物品,而另外的20元只能買免稅煙酒香水,我同老妻拿來吃肉骨茶套餐,小兒小女吃麥當勞,還剩下20元,補了幾元買了半公斤豬肉乾帶上飛機吃,因小女從不吃飛機餐,話飛機餐唔好食喎,真係奄尖.機場又裝有好多部免費腳部按摩器,你鍾意享受幾耐就幾耐,墨爾本機場內的就要入零錢每次2元大約10分鐘,樟宜機場仲有安排免費旅遊巴士市內遊覽,如果旅客等候轉機時間超過8小時,至於香港國際機場有沒有提供以上的服務小弟就不知道了.

我去過都有幾十個機場,香港機場硬件算是一流,而且過移民局過海關,快捷便利,只有提取行李等得比較耐,安檢又嚴格,可惜十年功夫一朝喪,今次比梁特首千金打爛了招牌,因她已經過了移民安檢後,才發覺遺漏了一件行李在機場禁區外,本來小事一件,咪出去取番入來咯,點知呢位千金同佢亜媽,以為自己有特權,用自己的手機打電話比佢老豆梁特首傾完後又交比地勤傾,梁特首在通話中吩付要人幫她取回件行李帶入禁區,呢單原本小事變成大新聞,聽聞爆料給傳媒的地勤已遭解僱飯碗不保,若果是真的,梁特首你真係冇陰公咯.