飲茶

無檯布,仍用茶盅泡茶,以前的人說一盅兩件,就是呢種盅

老表拍人搶點心,我又拍他,我知他是老表,因為他們講的普通話和台灣的不同

搶點心,手快有手慢冇啦

尋日去我家附近的一間酒樓飲茶,呢間酒樓叫彩蝶軒,開了十多年,我都飲到熟哂,老闆或部長見到我就免茶,以前生意很好,週末和假日若果冇訂檯,要排隊等位,最快都要半個小時,不過最近呢幾年,生意差好多,尋日去到仲有大把位,想起飲茶,又想起去年十月返香港時,當天坐船去馬交一天遊,朋友約好去中環蓮香飲茶,飲完茶可步行前去港澳碼頭,飲茶時見有好多遊客在拍照,等位時又冇籌派,自己搵位只好站在檯前等茶客走後,見有座位就坐,亦可搭檯,點心車一推出,好多人就蜂湧上前搶,如此場面,可能會成為歷史,新闻講蓮香樓的地皮己拍賣出,將來會拆後重建.

以前有朋友從多明尼加回香港玩,他約我在中環見面,我們行經士丹利街的陸羽茶室,上去準備飲午茶,但是很奇怪,事隔卅多年還印像深刻,上二樓三樓見好多張檯都冇人坐,冇人座的檯張張都放有幾個茶盅同茶杯,問侍應有冇位,佢話冇呀,原來座位都留給富貴的熟客,据說他們的貼士比得豪,2002年9月我從香港返來後不久,睇到一單轟動的新闻,陸羽茶室發生槍殺案,有一茶客飲茶時比人買兇槍殺,若果我當時在香港會肯定會去幫襯,因為有錢佬怕死一定唔敢去,大把位任坐,唔怕冇位喇.
http://ngwai.blogspot.com.au/2014/10/blog-post_20.html

泰豐樓北京鸭

片皮鴨

椒鹽小黃魚

白酒是自攜

呢枝紅酒是泰豐樓送的

前日網友 Shu 兄留言講起,尖沙咀一間老店鹿鳴春的北京填鸭,北京填鸭亦有人叫片皮鴨,呢間泰豐樓的片皮鸭也很出名,今次返香港在泰豐樓吃了兩次晚餐,一餐打邊爐,一餐北京片皮鴨,呢一餐是我另外一位外甥女請我們吃的,我不知道價錢多少,不過我見菜牌上的價錢也是不貴,當晚是星期四晚亦見到有多人排隊等位.

我個人喜歡港式燒鹅多過片皮鴨,十多年以前返香港玩,一定去深井的陳記或裕記吃燒鹅,不過都好多年冇再去咯,記得大約30年前,我朋友移民美國,他臨去之前的幾日,請他一家人去中環舊鏽記吃燒鹅,因他鍾意吃燒鹅,當日仲見到穿唐裝衣服的老闆甘穗輝在餐堂跟食客打招呼,他斬燒鹅神乎其技,每隻不多不少總共37刀,他賣燒鹅積聚大量财富又有乜用呢?後人爭產禍及祖業,鏽記就快要清盤收檔喇.

泰豐樓

炭燒到紅紅

南乳燒餅



呢枝紅酒我外甥女買的差不多要千八港元,酒聖 Robert Parker 給予評分極高



呢枝红洒是泰豐樓送的

今次返香港我妹夫請我們到尖沙咀一間老字號京菜餐廳泰豐樓涮羊肉,即香港人叫打邊爐,涮字好多香港人都讀刷音,是錯的,正確讀音是散,据說是蒙古成吉思汗打仗時,手下的一位廚師發明,後來傳到北京發揚光大,30多年前我去北京玩時,在王府井大街的東來順吃過一次,印像深刻就是放上十幾樣的調味料在你面前,自己調製醬料,加隻雞蛋,今次見到泰豐樓也是一樣,將一大盤調味料放上,自己調配喜愛的味道.

呢間的火鍋有特色,幾十年還是沿用燒炭,銅製長煙通型火鍋,依家香港都冇乜邊幾間仲用炭爐,不過用炭的火鍋打邊爐好似味道好些,原因可能傳熱快,又或者是我心理作用,當晚坐滿人,剛好隔鄰檯有一位過氣粵語片明星曾江,因為太近我不方便拍他,怕他用粗口鬧我,他之前同謝老四互用粗口鬧交,比人擺上網,我朋友whats app比我聽過,而他們吃的也是同我們一樣涮羊肉.

網友情

和諧號火車

人參雞湯

今次專程到廣州一天遊,是要見一位相識了大約九年多的網友,我和她從未見過面,她以前寄過三本旅遊書給我,一本印度,一本斯里籣卡,另外一本西藏,她知道我喜歡炒股和旅行,所以寄給我睇,而且又寄茶葉,多次叫我到廣州一天遊,但我每次返香港只停留幾天,認識她和十幾位香港炒股的網友是在香港一個"經濟日報"財經網站內的 forum,不過 forum己經關閉了很久,當時還認識十幾位網友,有次我返香港,大約是九年多前,一班人晚上來大埔相見,可惜股海無情,十多人差不多被淘汰了,如今只剩下一位,我每次返香港他都專程到大埔搵我飲茶吹水,趁今次停香港個多星期到廣州一天遊.

她在廣州站等我們,載我們去白天鹅賓館吃自助午餐,白天鹅以前是廣州第一間五星級酒店,20多年前住過一晚,幾年前關門停業裝修,今次見到全新裝修,自助午餐不便宜,每人差不要四百人仔,餐後她搶著埋單請我們,她說股票執了很多很多喎,我不想講出銀碼.真係好多,在此也再次說聲多謝.記得初相識她時,她炒股成績極差,輸多贏少,原因大部份多是道聽途說人云亦云,我叫佢唔好盡信網上的财經博客同講股佬,因大部份都是老作吹水,係掂唔使日日寫,事實上都冇時間日日去寫,遊山玩水家住豪宅.我多次勸她長缐投資,短炒出出入入執蝇頭小利,炒股最緊要有持貨的恆心毅力,千淘萬瀝雖辛苦,寒沙吹盡始見金,

http://ngwai.blogspot.com.au/2014/01/blog-post_3302.html
http://ngwai.blogspot.com.au/2014/02/blog-post_14.html

金邊午餐

金邊魚翅海鮮酒家

參加的是六天豪華團,團费連自費小費加埋要成萬元,同去俄羅斯差不多價錢,住的算是五星級酒店,呢一午餐在金邊吃,亦是唯一最好的一餐,有魚蝦蟹,其它都是好普通,晚上多是吃自助餐,其實到落後的國家旅遊,要有心理準備冇啖好食.今次團友共34人,是我呢十多年參團以來最多人的一次,而且更想不到會有香港團友和老表團友在餐廳爭位坐而大聲嘈交.將趕水貨客的場面帶來柬埔寨,真係肉酸咯.

如果有人問我,柬埔寨好不好玩,我只能說,鍾意欣賞文物古蹟就好玩,若果想吃喝購物,舒適享受,對唔住啦搵錯地方.