 |
| 無檯布,仍用茶盅泡茶,以前的人說一盅兩件,就是呢種盅 |
 |
| 老表拍人搶點心,我又拍他,我知他是老表,因為他們講的普通話和台灣的不同 |
 |
| 搶點心,手快有手慢冇啦 |
尋日去我家附近的一間酒樓飲茶,呢間酒樓叫彩蝶軒,開了十多年,我都飲到熟哂,老闆或部長見到我就免茶,以前生意很好,週末和假日若果冇訂檯,要排隊等位,最快都要半個小時,不過最近呢幾年,生意差好多,尋日去到仲有大把位,想起飲茶,又想起去年十月返香港時,當天坐船去馬交一天遊,朋友約好去中環蓮香飲茶,飲完茶可步行前去港澳碼頭,飲茶時見有好多遊客在拍照,等位時又冇籌派,自己搵位只好站在檯前等茶客走後,見有座位就坐,亦可搭檯,點心車一推出,好多人就蜂湧上前搶,如此場面,可能會成為歷史,新闻講蓮香樓的地皮己拍賣出,將來會拆後重建.
以前有朋友從多明尼加回香港玩,他約我在中環見面,我們行經士丹利街的陸羽茶室,上去準備飲午茶,但是很奇怪,事隔卅多年還印像深刻,上二樓三樓見好多張檯都冇人坐,冇人座的檯張張都放有幾個茶盅同茶杯,問侍應有冇位,佢話冇呀,原來座位都留給富貴的熟客,据說他們的貼士比得豪,2002年9月我從香港返來後不久,睇到一單轟動的新闻,陸羽茶室發生槍殺案,有一茶客飲茶時比人買兇槍殺,若果我當時在香港會肯定會去幫襯,因為有錢佬怕死一定唔敢去,大把位任坐,唔怕冇位喇.
http://ngwai.blogspot.com.au/2014/10/blog-post_20.html
嗰單槍殺新聞你還記得，真犀利呀！
回覆刪除講起舊式茶樓酒家已沒剩得幾多，我記起細個時候，老竇常常帶我去旺角嘅瓊華、新雅或五月花…唉，眨下眼又五十幾年了！
Shu 兄，印像深刻是因第一次上陸羽飲茶，冇位坐飲唔成，久聞陸羽茶靚，想試下是不是浪得虛名，可惜到今日為止都冇再去過，講真我自己的普洱茶靚過佢地。
刪除你講的我都去過，不過以龍鳳印像最深，因向下行就是碼頭，見到好多漁民攞賣海鮮。
七十年代我姐姐和姐夫去陸羽飲茶，坐下良久都沒有侍奉招呼，跟著只好沒趣地離開，所以我一直都冇去飲茶意慾。
回覆刪除Stella 姐，後來有人話我知，呢間以前比十元小費給侍應就會有位比你，不過去唔去都是一樣，名過其實。
刪除前幾年我與小女去中環的蓮香飲茶懷舊，除了牆上的畫幾有風味之外，沒啥好處。
回覆刪除曾在中環的鴨巴甸街住過五年，對面是王老吉涼茶老店，街口就是蓮香樓。當時它門口的位置是在另一邊的威靈頓街前。這區附近的幾家茶樓都有去過，唯獨沒有去過陸羽，陸羽一向都是富貴地，我們的街坊是不會去的。
阿姨，蓮香對香港人來說，去唔去都是一樣，人又多又嘈又吵，又要站著等位，點心又要搶。
刪除只能比遊客飲下茶，見識香港以前的茶樓是如此，懷舊一下。
在七十年代、蓮香仍在大道中嘅時候、我時常去光顧。印象中、除咗蓮蓉包比較出色之外、其它食物並無特別之處。但今日懷舊點心已經在大部份茶樓式微、唯獨是蓮香是少數堅持用大水煲添水和供應傳統點心嘅茶樓之一、所以被旅遊局捧成遊客到訪熱點。之不過、對說喜受懷舊嘅街坊而言、蓮香依然是個好選擇。
回覆刪除域Sir，蓮香最多是遊客，當比遊客見識本土文化，本地人和街坊只佔少數，因為太嘈太吵又太熱，加上空氣混濁，而且搶點心亂作一團，去一次就夠啦。
刪除