他是蘇格蘭人,21歲就移民來澳洲昆士蘭,以前移民澳洲好容易,白澳政策關係,只要無犯罪紀錄,見白就收,澳洲地大物博福利好馳名,吸引大批無技能的白種窮鬼前來,一到步未納過一分錢稅就有福利享受,當年有新開始津貼 ,尋工津貼 ,車費津貼,租屋津貼,500小時免費英語課程,新移民到步第一件事先去社會福利署 centre link 登記申請福利,不過依家國庫同我荷包一樣,差不多乾哂啦,對唔住所有福利津貼取消哂,依家的澳洲政府不像以前,精明佐好多,收的投資移民至少要買幾百萬澳元國債才有得傾.
1987年8月我從澳洲返香港,剛好當年香港股市牛氣沖天,股票行人頭湧湧,滿街股神,而我好彩亦有些少斬獲,我的一位朋友就賺到笑不合咀,他想我和他兩公婆同遊歐洲,問我好不好?我說冇乜時間,得個多星期左右,就算去只能去兩至三個國家,他說他老婆只想去巴黎購物,去完巴黎順道去英國返香港,我们一行三人先到巴黎,玩了幾天後坐船去英國,到了英國港口Dover 入境時他兩夫妻拿英國香港護照,俗稱BNO 行英國人的通道 British Passports 而我持澳洲護照就行英聯邦通道 Commonwealth ,我出了關口等他們大半粒鐘還未見他們出來,後來只見他老婆一個人出來,我問她你老公呢?她說還比英國移民官在問話喎.
我和她老婆等他,等了大約四個多小時才見他出來,他一肚火,拿香港英國護照BNO不能行英國人通道,要改行other Passports 的通道,移民官問他來英國做甚麼?帶了多少錢來?他說現金不多,有兩張信用卡,移民官比張紙給他 you are required further information 叫他坐埋一邊等,最後帶同行李到一房間開給他們檢查,問有冇英國唐餐館的卡片?我想英國佬可能怕他留在英國的唐餐廳洗大餅做黑市居民,攪了四粒多鐘才給他入境,他跟我說永不再去英國呢個歐洲破落戶.
今晚小女話想去鋸扒喎,都唔知去邊間,想來想去不如就去呢間意大利餐連鎖店 La Porchette 呢間離我家很近,開車只要幾分鐘,我們六點多去到,以前去過好多次,冇去都有大半年,原來又再轉了老闆,又再裝修過,之前幾年亦曾轉過手亦裝修過,但是不知道甚麼原因,生意總是做不起,今晚我們去到不用等位仲有好多空位.
我們點了兩客 Rib eye 牛扒,一客 Chicken Schnitzel 一客 T bone 牛扒,一渣可樂一支啤酒,埋單165元,價錢不貴,味道算不錯,地點位置極好,亦有大量泊車位,奇怪就是不知道為何生意做不起?做生意有時都要講運氣,雖然轉手多次,裝修多次亦冇用, 我想不如換下口味轉做馬拉餐或越南餐可能會好好多.
