Shu兄同好多新西蘭人一樣,話澳洲政府對新西蘭人不公平,他留言''之前也聽過新西蘭人過澳洲要等兩年才可得到澳洲公民相同待遇，但不公平的是…澳洲人來紐卻沒有這限制'' .唉最大問題是新西蘭人不停流入,每年都大幅增長,依家澳洲納税人已經變相負擔埋他們的醫療費用,經過1986年修訂後要住滿2年才可申請社會福利,如家庭津貼,尋工津貼,和失業等,最慘是2001後年修訂為新西蘭人只享有工作和居留權的 SC visa 才移居澳洲,住滿幾多年都不算永久居民,幾乎所有福利都冇哂,有孩子的家庭為最慘,因為冇永久居民身份,冇政府的補助讀大學學費非常昂貴,好多家庭無法負擔.
最新移民數字顯示有65萬新西蘭人居住在澳洲, Shu 兄在1988年之前住過半年,可惜只住過半年,若果住過一年以上就自動享有永久居民的福利,因條约修訂為2001年後才移入的新西蘭人,若果2001年以前住過澳洲一年以上,則不受影響.
上篇博文''一個新籌碼的故事'' 內裡講及威靈頓的一間酒家叫明華閣,巧合地網友 Shu 兄原來亦認識呢間酒家的老闆德哥更超過30多年,好彩冇吹水,否则一下就给 Shu 兄拆穿了, Shu兄同我一位行船的鬼佬朋友一樣,他只聴我講,就绝對相信我去過六十幾個家.不過財經博有條盲毛話我虛言浮誇遊歷過幾十個國家,大概只去過厕所.
新西蘭同澳洲政府於1973年簽咗一條叫 Trans-Tasman Travel Arrangement 簡稱 TTTA 兩國公民可自由在兩國居留和工作,兩國如內陸城市一樣,不用帶護照,直到1981年澳洲政府修訂所有新西蘭公民前來澳洲要帶護照同埋要等住滿半年才有資格申請福利,1986後更要等住滿兩年後才有資格申請,2001年後更要有居民資格才可申請,呢條條約修訂過多次,睇過有篇大學教授的文章叫 Unlucky in a lucky country 就是講2001年後才移居澳洲的新西蘭人苦況,得閒會介绍一下.
新西蘭是全球唯一的一個國家公民,可以自由到澳洲居留和工作的國家,公民一入境就有特别簽証 Special Category Visa ,原因就是有呢條 TTTA條約 ,澳洲移民部前幾天公佈2014年全年約有62000人逾期黑市居留,其中老表最多,有7690人,馬來西亜6240人,美國5220人,英國3780人,若果自己前去自首,三年内可申請到澳洲旅遊,若果比移民局捉到三年後才可申請,以前黑市居民一向是馬來西排首位,不過老表已大幅追上,老表你真好嘢.
睇網友華娃兄的網誌,知道他是踩單車高手,我都有好多年冇踩單車,剛好呢個聖誕新年假期,我多次同小兒小女到市中心購物,漫步墨爾本市中心,睇街頭表演,我有 post 在 facebook,又坐在如巴黎街上的咖啡店,一邊喝咖啡,一邊看街外遊人,行下見到有單車出租,想起華娃兄對單車有研究,所以拍幾張照片介绍一下.
