黑市居民

搵到兩張舊相片,威靈頓明華閣酒家

上篇博文''一個新籌碼的故事'' 內裡講及威靈頓的一間酒家叫明華閣,巧合地網友 Shu 兄原來亦認識呢間酒家的老闆德哥更超過30多年,好彩冇吹水,否则一下就给 Shu 兄拆穿了, Shu兄同我一位行船的鬼佬朋友一樣,他只聴我講,就绝對相信我去過六十幾個家.不過財經博有條盲毛話我虛言浮誇遊歷過幾十個國家,大概只去過厕所.

我唔認識徳哥,只去吃過二次晚飯,和飲過一次茶,呢間酒家留给我有些特别印像,就是一入酒家之後就見到一部鋼琴,小兒還坐在鋼琴玩,這是我第二次見到中餐酒家有鋼琴,第一次是在前稱西德,現叫德國的漢堡.新西蘭我前後去過三次,第一次是我自己一個人去蘭奧克蘭見工,不過見不成,因薪金低澳洲一成多,後來同我老妻亦去過新西蘭一次,另外一次和小兒三人同去.


新西蘭同澳洲政府於1973年簽咗一條叫 Trans-Tasman Travel Arrangement  簡稱 TTTA 兩國公民可自由在兩國居留和工作,兩國如內陸城市一樣,不用帶護照,直到1981年澳洲政府修訂所有新西蘭公民前來澳洲要帶護照同埋要等住滿半年才有資格申請福利,1986後更要等住滿兩年後才有資格申請,2001年後更要有居民資格才可申請,呢條條約修訂過多次,睇過有篇大學教授的文章叫 Unlucky in a lucky country  就是講2001年後才移居澳洲的新西蘭人苦況,得閒會介绍一下.


新西蘭是全球唯一的一個國家公民,可以自由到澳洲居留和工作的國家,公民一入境就有特别簽証 Special Category Visa ,原因就是有呢條 TTTA條約 ,澳洲移民部前幾天公佈2014年全年約有62000人逾期黑市居留,其中老表最多,有7690人,馬來西亜6240人,美國5220人,英國3780人,若果自己前去自首,三年内可申請到澳洲旅遊,若果比移民局捉到三年後才可申請,以前黑市居民一向是馬來西排首位,不過老表已大幅追上,老表你真好嘢.