紀念車票
 |
| 紀念票封面是銀色 |
 |
| 打開後有幾幅照片 |
 |
| 最尾個張就是車票 |
前幾日搵新西蘭的舊照片時,無意中搵到呢張纪念車票,當日早上我在金鐘地鐡站見到好多人在排隊,都唔知乜嘢事排咁長,後來才知道是有呢套皇家警察一百五十週年紀念票出售,車票面值25元,用完票面值後車票會自動彈出來,比你保存留為紀念,我咪去排隊準備買番幾套,不過每人限買二套,一套送咗比朋友,原來是限量版,都排咗成大半粒鐘.
想起皇家警隊,又使我想起一位遇到嚴重工業意外過身的朋友,之前我和幾位朋友一齊去大6旅行時認識他的,他本身正職是紮鐵技工,兼職輔警,他家住大埔大元村,世事就是如此巧合,原來我的一位正職差佬朋友在大埔和他一起拍過更,我們好多時下午去飲咖啡,他久不久就會打電話比我,大约24至25年前的一天,我睇報紙有單新闻,沙田麗豪酒店地盤發生工業意外,吊機吊一紫鐡枝上地盤樓上時,包著鐵枝的鋼纜突然斷裂,所有鐵枝向下飛墮,而我朋友就在下面比壓著,送院後証實死亡,我睇到呢單新闻的名字同他一樣,又是紮鐵工人,心當堂沉下了,打電話去他家,他媽媽哭不成聲,我下午去他家,他走時才28歲.無可奈何,唉人生好多嘢都是冥冥中自有主宰,所以做人唔使太過著緊錢财介懷些少仇怨.
abcd大頭綠衣捉賊唔到吹bb！
回覆刪除Stella 姐，我都未見過大頭綠衣，只睇過相片。
刪除ng Wai 晚上好,
回覆刪除車票上真係有個大頭綠衣,
人生於世, 有若寄塵, 韶華如飛, 歲月老人, 衰老以後你會問, 我何故手腳都顫震, (只是一段歌詞)
華兄，黃昏好。
刪除車票是香港150年內的所有差佬，當然有大頭綠衣，我年青時就見過差佬穿雞蛋黃色的短褲。
冇法啦，人生如匹布，刀剪不由人。
偉兄，我也有次和你差不多，見人排隊買紀念車票我又買。
回覆刪除那次我好似買了八張罷，跟住就有個記者訪問我，仲同我一家三口影了張「展示車票」的相片，而那張照片我還留住，那時我女兒還是手抱呢！
Shu兄，嘩，你真好嘢可以買到八套咁多，通常都是二至三套，買到咁多有記者訪問，我從未試過有記者訪問，可能冇一單事件有新聞價值。
刪除收集地鐵紀念票是以往集郵外
回覆刪除朋友們興趣的另一種延續
我以前都有收集郵票，仲有好多首日封，得閒搵出來比post 大家睇。
刪除Wai 兄、你講得對極、做人無須太過執著、能珍惜當下就好！
回覆刪除域 Sir,開心唔開心,日子都是要過的.所以凡事睇開些.
刪除早睡早起，早過頭，是半夜。起來上網，見到啲大頭綠衣。
回覆刪除現代的年青警察，質素很高，有放洋讀完大學回來，一心維護法紀，十分正義凛然的。
以前排隊買郵票，企到我腳都痛！現在可以預先郵購，輕輕鬆鬆，反而興趣大減了。
去年初我有個親戚的女婿，在公司開會席上腦溢血，未夠四十就去世！遺下年青的妻子和孤兒。想不到還有更年青的，28歲就因工傷亡！總之，世事難料。
阿姨,半夜起床上網,睇完我的斕鬼博文,唔知仲睡唔睡得著?
刪除世事禍福難料,不過香港勞工處的一班飯桶,後知後覺,都唔知做乜嘢?班友都是馬後炮
偉兄，何以咁憎勞工處呢？
刪除也因為勞工處執法嚴，加上人工貴，工廠都北移上了深圳。從此香港啲窮人就冇乜運行了。
（又及：個人在上網倦了時，睡魔就來急call 了, 要再睡，容乜易呀！少擔心。）
貴網誌寫的都很踏實，和域兄都是說些現實生活的情況，雖然風格不同，但底版都一樣，色澤是淺棕色，不剌眼，編排得十分好呀！一流呀。
刪除