斯里蘭卡我來啦

好耐都冇寫博文,因為冇乜野好寫,就快要去有印度洋明珠之稱的斯里蘭卞旅行,每年大約由7月尾開始到8月初,有一個佛牙節,佛牙是佛祖釋迦牟尼的,全球只有二顆,另外一顆在北京,我不是佛教徒,亦無宗教信仰,不過人一世物一世,而且斯里蘭卡亦未去過,趁機會見識一下,順便探望闊別多年的朋友,他呢幾年在斯里蘭卡不能說飛黃騰逹,總算撈得幾好,幾乎每次和他通電話,他都叫我有時間一定要去探他,好吧今次就自由行,已經十多年冇自由行了,斯里蘭卡我來啦.

http://ngwai.blogspot.com.au/2015/01/blog-post_13.html

種菇

 oyster muschroom 照說明書教的種法,先放水泡浸一晚

每天早晚噴水

呢種磨切片做沙律可生食亦可炒,做磨菇湯仲好味



世界上最毒的磨菇,死亡帽 Death cap  照片取自澳洲政府網頁

想起個多月前睇到香港有單新闻講有十幾人採摘野生磨菇食後中毒,仲有一人死亡.幾年前澳洲坎培拉亦有四位中國表叔採摘野菇,食後有二人死亡,佢地就係食呢種野生磨茹死亡帽,澳洲政府多次叫人唔好採摘野菇食用,老表唔怕死,此菇由歐洲傳來,其毒無比,亦無解藥,食後要12小後才知中毒,但肝臟已全遭破坏,救得番都要換肝.我家後花園時常見到好多野生磨菇,雖然知道冇毒,但我依然不敢採摘拿來蒜蓉清炒,因為好多有毒的磨菇,一般人都分唔出,有些更要化驗後才知,胡亂採摘吃後輕則嘔吐暈舷,重則去見閻王. http://orientaldaily.on.cc/cnt/news/20150323/00176_011.html


好多人都唔知,原來抗生素,抗癌藥的一些成份是從磨菇菌類中提煉出來,磨菇菌類對人体有益,益處多又冇脂肪,小兒同我一樣,最鍾意將磨菇菌類蒜蓉清炒,小女最喜歡金針菇 enoki 跟越南紮肉一起放湯煮公仔麵,澳洲市面上有幾種食用磨菇賣,其中有一種叫 field muschroom圓周面積比足球细些少,重量差不多有成大半磅,鬼佬多是加牛油,鹽放在焗爐焗熟,我成日話鬼佬唔識食.

紅酒

大減價每枝平四元,只賣剩兩枝

亦是大減價每枝七元

朋友舊年去新西蘭玩時買一枝送給我,新西蘭白酒好過紅酒

美國一位女酒評家,花了十年時間寫成呢本書

酒聖 Robert Parker

每個星期二晚上,載小兒學結他,他同我一樣用左手,學了一年多,小女學鋼琴,學了七年多,今年考八級,每堂一小時,不過琴室離我家有廾多分鐘車程,夏天時我多在車上等候他們,天色還非常光亮,可用手機上網,睇下其他博友的博文,又或者whats app 同朋友聊天,但依家已近冬季,晚上八時後就黑哂,剛好附近有間酒庄,每次見到有紅酒減價都買幾枝,有時平到四至五元一枝,好多老表以為愈貴愈好,佢地錢多唔識野,炒到萬幾元一枝都話好,冇法啦,老表暴發戶,前政務司唐生對紅酒極有研究,他說三幾百元同千元的分別不大,好酒亦要品者高.

紅酒分舊世界,歐洲,其中以法國為最出名,西班牙產的也不錯,新世界包括美國加洲,智利,阿根庭,南非,新西蘭和澳洲,離墨爾本車程個多小時沿途就見到好多酒庄,有些不出名酒庄為吸引人前去買酒,假日有時舉辦西班牙探弋表演,午餐红酒加美食,每位幾十元.試過一次參加完後,酒庄還送一枝红酒.


紅酒不是愈舊愈好,但法國波爾多生產的,只要溫度適宜,可以擺放幾十年,一般來說要講年份,若當年雨水太多,產的提子就不好,釀出來的也不會太好,以前在 yahoo舊博睇個一位博主蛇哥,講飲红洒美食和旅遊,識飲識食識享受,不過自從 yahoo 收檔之後他就冇再寫,每次想起他都很懷念.

家常便飯



清蒸肉蟹

用李錦記叉燒醬燒排骨

朋友送的冬瓜加瘦肉煲湯

墨爾本最近有一間酒樓攪佐一個叫全蟹宴,用的是皇帝蟹 Tasmanian king crab 呢種巨蟹是澳洲特有,最少重量都有三公斤多,最重三十多公斤,全世界有巨蟹生產的地方,只有阿拉斯加和日本的北海道,呢兩個地方產的是長腳巨蟹,三年幾前有次返香港朋友請我們一家人到沙田帝都酒店中餐廳,吃過一餐用澳洲皇帝蟹做的蟹宴,個隻蟹重量都有五公斤多,因朋友認識中餐部的行政總廚,個餐真係好正,我在 yahoo舊博曾有貼文介绍,每次想起都非常回味,再次講聲多謝.

我們一家四口好鍾意食蟹,呢度有一種叫 mud crab的蟹身形都很巨大,若果大造時很便宜20多元一公斤,不是大做30多元,我間中都去街市買隻回家清蒸,我在 FB 講過,買蟹同炒股票一樣要信自己,自己去揀,不要信售貨員代揀,佢地會揀些慢爪或B級蟹比你,呢種蟹肉多味道鲜甜,小兒小女叫我用薑蔥焗加生麺底,呢兩位阿哥阿姐,對唔住啦,想如此吃法,只有去酒樓,你老豆我只識簡單清蒸,同鬼佬所說簡單就是最好, simple is the best.

家常便飯

開枝紅酒,收藏佐11年

生蠔每打14元

一公斤羊架21元大約有14片,這是我煎的 rosemerry在花園摘.

一公斤燒肉 20元



小弟炒的西蘭花,蒜頭一時忘記切碎

尋晚我老媽話唔好再出街吃飯啦,吃佐好多餐,叫我隨便炒兩個菜就算,我外甥女飲红酒,就揀佐呢枝,11年前大減價時我買佐一枝試飲,飲完覺得唔錯,就買佐十幾枝,飲下飲下快飲完,呢枝酒擺佐11年,入口好醇,有果香味,開瓶後又唔使透氣,因為有成十一年,所以有些少沉澱物留在瓶底.我外甥女好喜歡飲红酒,佢話好好飲,在香港幾乎每天晚飯要飲一杯,仲話要帶二枝返香港.

她說澳洲生蠔平過香港好多,香港每隻大約要30港元,羊架新鲜好味,平過香港好多,紅酒仲平靓正,可能我唔係好鍾意生蠔,羊架,也可能吃得多,冇乜感覺,不過我始終覺得香港的食物好吃,美食之都,食物種類煩多,而且烹調技巧高超有創意,唔同鬼佬,只識焗同炸.