剛去華娃兄的網誌溜覽,見他博文介紹東莞鳳崗的婚慶文化博覽園,真係巧合剛好我朋友來我家坐,他給了我一張閤府統請的结婚請帖,原來他的女兒下個月21日出嫁,隨帖還付上一張美心餅家的餅咭,可當12澳元使用,呢間美心同香港的唔同,因為墨爾本呢間好多年前已先註册用呢個商標,香港美心集團以前可能冇想到拓展澳洲,冇預早申請専利註册,依家只能眼光光,餅咭用"美滿良缘鴛鸯壁合,心同連理鸞鳳和嗚"只改香港美心些少,因太耐我唔係好記得香港美心,因收過幾張,大概是"美滿良缘諧好合,心同連理並蒂蓮"最記得是超群餅咭,因我妹结婚時是用超群餅咭,我仲幫手派帖派餅咭 "超等良缘情永固,群賀新侶樂齊眉".
我認識呢位朋友時,他的女兒只有幾歲大,歲月流轉原來她今年已經29年華,大約六年前有次我見到她問她,亜妹拍拖未呀?她說讀緊大學,冇時間拍,去年三月我老媽從香港來,我見到她時又再問她,她說未呀,她的爸媽同我講有些擔心,怕她嫁唔出喎,點知冇見她還未夠一年就结婚,眾裡尋他千百度,驀然回首,那人卻在墨爾本,在此祝福他們同心永结.
http://ngwai.blogspot.com.au/2015/03/blog-post_21.html
Wai 兄晚上好,
回覆刪除良緣天注定,佳偶自天成,姻緣嘅嘢唔到你心急架,
原來澳洲美心同香港美心是兩間公司,香港美心首祝賀詩較有水準,而抄襲的少了詩的味道,有堆砌感,
華兄，下午好。
刪除言之成理，急都急唔嚟架。
你同域Sir都是有料詩人，一睇就知龍與鳳，根本他們不是作詩，只不過加上香港人結婚對聨門楣上的四個字。
婚宴喜氣洋洋，總是看得人很開心! 以前我住中環，有時會帶著歲半的小女去大會堂看人行婚禮。
回覆刪除記得我結婚時，只是派中式禮餅，是在旺角的奇華訂的，主要是派俾親戚。反而我家姐只是派美心西餅卡，因為她的同事朋友實在太多，餅卡方便。
阿姨，我妹今次嫁女都是用奇華唐餅，她仲怕我去柬埔寨旅行時早上冇嘢食，比咗幾個唐餅我帶去柬埔寨。
刪除我自己覺得唐餅好食過西餅，但唐餅花費多些。
也有同感，家母生前很喜歡食嫁女餅，現在懷念母親的時候，我也專程去買幾個嫁女餅回家吃。一般都是紅綾、黃綾、白綾之類。最喜歡吃皮蛋酥。
刪除阿姨，我妹比我帶去柬埔寨的就是皮疍酥，白綾酥。
刪除深水埗大埔道石硤尾交界有一間餅店，名字冇留心，出的皮疍酥不錯，見好多人買，有時經過都會買番幾個回家吃。
通常乘車都是經長沙灣出旺角，好少在這裡下車。奇華對於取嫁女餅都聲明：若要取皮強酥，要早一天打電話講明要幾多個，因為要給客人新鮮的。
刪除阿姨，真係唔知取奇華的皮疍酥要早一天通知。
刪除因為現在訂的嫁女餅都有可以發出餅卡，不用主人家拿來拿去了。拿著嫁女餅卡去到可以現取，不過，如果聲明要皮蛋酥的話，就要打電話到該分店預約，讓人客拿到新鮮的。
刪除阿姨，明白。
刪除現在做父母冇得擔心，結唔結，生唔生，是自主年代！
回覆刪除完全同意！
刪除但我仍見有些父母好想找人介紹，甚至「隔山打牛」都想嘗試一下（意指～看親友物色的對象照片，通常都不是本地人）！
Stella 姐，啱架，擔心都冇用，急又急唔來，依家年青人有佢地自己的想法，順其自然咯。
刪除Shu 兄，呢度好多中文免費報紙大把徵婚廣告，同你講的隔山買牛差不多。
Wai 兄、被你一提、我亦想起結業多年嘅超群餅店。在下最懷念嘅就係超群餅店嘅「拿破倫」餅、直到今日我依然覺得該餅是冠絕香江的。
回覆刪除域Sir，超群的拿破倫餅我冇食過，不是你依家說拿破倫餅我都不知有此餅，但我見過李曾超群女士在電視教人煮餸。
刪除