當日早上蓮香樓飲完茶之後,步行前去港澳碼頭會合其它幾位朋友一同搭船去馬交,今年總共九人,到馬交後先參觀一間新開的賭場,好似叫新濠,開了幾個月左右,見賭場賭客不多,正式是有刀客冇路客,睇完後去官也街一間貼滿食神梁文韜照片做廣告的魚翅麵家吃碗魚翅麵和炸魚球,跟著去試下瓦煲咖啡和葡撻,跟著去一間叫金龍的賭場,呢間賭場是我第一次聽到,也是第一次入內,睹場有三層,不過每層面積都不大,前幾日睇到一單新闻講馬交一間叫希臘神話的賭場執笠,自從習總上台打壓貪官,加上最近幾年世界經濟不好,澳門的賭場己冇乜生意,獨沽一味靠賭維生,而且馬交政府缺乏遠見,乜都唔撹話之佢,每年照派錢,愈派愈多,一葉知秋,馬交市民捱苦的日子快來了.
一行九人只有我一人不賭,每次都是我一個人漫步街頭,其實呢幾年都是一樣,每次想去漁人碼頭也沒有去成,怕時間不夠,因不知道他們賭多久,今次吃晚飯的地方亦是同前年的一樣,黑沙環林記燒烤,記得大前年去時坐滿人,今次只有我們一檯人,生意真的差了很多,每次返香港回來後我都要減肥,馬交一天遊九個人之中有五個是肥人,由早上吃到晚上,如此吃法有乜辦法唔變肥人呢.
http://ngwai.blogspot.com.au/2014/10/blog-post_27.html
瓦煲奶茶，有趣！
回覆刪除你說得對,
刪除馬交就是吃,喝,玩[賭]樂地方,
古言[梳打埠]稱呼.
食乾淨.輸乾淨,洗乾淨啦/
Stella 姐，好似冇瓦煲奶茶，是瓦煲咖啡，我唔知用瓦煲的咖啡好唔好飲，可能攪些新意思。
刪除Peter 兄，馬交一向以賭吸引遊客，一天遊吃喝玩樂，享受中西葡國美食是不錯，最好就是唔好賭，輸咗變冇心情玩。
刪除以前，有一次跟朋友旅行完從珠海過澳門，他問我入唔入賭場…誰知去到，賭場唔俾我哋入去，知點解？因為我哋都係著短褲，如果要入便要幫襯租番條長褲，最後朋友入到去，而我就寧願在外邊逛街！
回覆刪除Shu 兄，十幾年前皇冠新開張時，不要説短褲不能入，穿波鞋也不准，依家不只短褲，穿日本仔人字拖鞋一樣冇問題，我親眼見過，問題是你穿西裝皮鞋入來不賭錢，週圍岳，而我穿短褲著日本仔人字拖鞋入來賭，而我可以說是賭場米飯班主，你話賭場不向現實低頭的話，是不是等摺？
刪除Wai 兄晚上好 ,
回覆刪除講起嚟在下都好耐冇去過馬交咯 ,
華兄，下午好。
刪除最近呢幾年返香港，都順便去埋馬交一天遊，因為成班人都喜歡賭番幾手，若果不喜歡賭，馬交細少，冇天然旅遊資源，又冇歷史文物，好耐冇去是正常的。
偉兄去馬交大吃大喝，想不肥都幾難。
回覆刪除幾年前有位熟識當地的朋友陪我過大海作一天遊，她主要是上教堂，我是參觀博物館，順道買手信。
想起那天我吃了一小煲黃蟮飯，雞翼麫，蔔撻和肉乾。若是咖哩和辣椒唔使預我了。
阿姨，不止去馬交吃得多，在香港也吃得多，最傷是每天早上飲茶，點心吃多也不知，中午又吃，下午茶又奶茶疍撻，晚飯又去酒樓，有時又宵夜，由早吃到晚，想唔肥都難。
刪除班友乜手信都冇時間買，又不去其它地方玩，只是賭同食。
澳門的博物館很多，從汽車、消防、文化、藝術、當押業、葡萄酒、屋宇、教堂...等等有二、三十處之多。
回覆刪除只不過以上這些不夠賭場的吸引力大吧了。
阿姨，賭仔心態是趕著落注，理得佢文化，藝術，教堂，至於當押業，葡萄酒，屋宇香港都大把，更加不會浪費時間去睇呢d 嘢。
刪除Wai 兄、到馬交唔係賭錢、就係飲飲食食、臨走之前就買此餅食之類嘅東西返歸、情況十年如一日。今日大陸經濟回落、馬交自然唔好彩矣！
回覆刪除域Sir,不止大6經濟回落,油價不停跌全世界經濟已入寒冬,加上打貪,馬交呢次真係唔好彩,今年冇可能再派錢咯.
刪除