今天中午我一位好友請我們一家人去飲茶,呢間酒樓中文名叫全聚德英文叫 Taipan 離我家50多公里,開車足足一粒鐘,我好想唔去,他叫我一定要去,話好耐冇見我,既然咁講,去就去啦,呢間酒樓我已經有好多年冇去過,開車去揾來搵去搵唔到,明明是同一地方,轉來轉去都搵唔到,打電話問朋友,朋友話忘記同我講新名字叫東館,原來三個月前賣盤比一位老表,仲改埋名叫東館,呢個名都唔知似乜?以前生意非常好,週末飲茶排隊登記等位要分三輪,第一輪上午十一時至十二時半,第二輪十二時半至一時半,第三輪一時半至三時,不過依家生意差好多,今日都不用再分幾多輪,仲見到好多張空枱,有機會等執笠。
呢間以前飲茶以點心靚出名,佢老哥頂回來後,全部人換哂,包括樓面廚房,我試過一碟牛肉,味道不太好,我問朋友點解人家生意咁好,花咁多錢頂回來後要改名?點解要換哂全部員工,既不知道來的客人是生客還是熟客如何溝通,而且點心質素又差.朋友話世事好多是無法解釋的.
全聚德是名牌都要改，真係等執笠。
回覆刪除Stella 姐，呢間之前中文名全聚德同北京烤鴨全無関係，但係都用了好多年，而且生意又不錯，都唔明點解無喇喇做乜走去改名，仲改咗不知所謂的名。
刪除Wai 兄晚上好,
回覆刪除印証了一句俗語 : 唔怕生壞命,最怕改壞名,
華兄，中午好。
刪除真係亞茂改名，呢個名難登大雅之堂。
我可以話你知，做飲食生意是比較容易洗黑錢！
回覆刪除以前我喺香港，就見到有啲餐廳生意很差（最多只能維皮），但卻做極都唔執，你話喇，唔係money laundry 又係乜？
Shu 兄,照計唔似啦,每個星期才得幾萬營業額,如何洗?因要買貨,人工,屋租支出,會計報上,稅局一查就知,每星期人工和買貨去佐二萬,總不能報大幾十倍生意額.
回覆刪除洗黑錢最多是去賭場,因為換一百幾十萬賭幾天,可以話嬴番來,叫他們開支票,再存入銀行漂白匯走,去年有一越南人在賭場洗幾千萬黑錢,比差佬查出拉佐.
食物的好吃與否，真係要吃過才知道。正是入口便知龍與鳳。
回覆刪除阿姨，真的，入口就知好唔好食，好多出名的食家都係寫行貨。
刪除如果食肆的水準，時時都有出名食家試過的水準都唔錯，最怕只是一時的表面工夫。
刪除阿姨，你講得啱，我試過跟食家蔡灡介紹的越南粉麵店食過，感覺麻麻地，因為可能食家去試食時，廚師落足心機去做比佢食，咪好食靚些，即是同你所説的門面功夫咯。
刪除Wai 兄、你所講嘅大概是世事無常喇！即使唔改名、但廚房換晒人就已經唔係同晒咯。
回覆刪除域Sir，如果間嘢平價頂返來，因為冇生意，而換人換名就合情合理，好似鬼佬頂回來賣報章廣告就會用under new management ，而我想佢最大理由就是申請大6老表廚師或其親屬前來，澳洲有多種勞工類別，而且唐人餐廳鬼佬廚師做唔到，焗住要向外面搵人，容易批準。
刪除