 |
| 大麻 |
 |
| 大棵是南瓜,细少的是冬瓜 |
 |
| 堆肥箱,廚餘可做堆肥,如菜葉,瓜果皮,不要放肉,因會招惹老鼠 |
今早出花園淋水堆肥時,忽然想起個多月前,後面屋的鬼仔問我有冇吸食過大麻,我說冇呀,連大麻是點樣的都未見過,他叫我伸手掌出來,放兩粒大麻在我掌心,感覺好輕,拍完照片後交還給他,澳洲每個洲的法例都不同,墨爾本屬維多利亜洲,法例規定攜帶不超過50克,比警察拉到也不算刑事罪行,頂多罰款,再嚴重就如成龍個衰仔祖明一樣,捉去強制戒除毒癮.呢個鬼仔初初搬來時,佢老豆老母帶他出外散步時,走路還含住奶咀,轉眼十幾年後剛剛成人,唉雖然是貪玩,不過好學唔學,學人吸大麻.
現時全世界有幾個國家可合法使用大麻,荷蘭阿姆斯特丹更有一間大麻博物館,可供遊客購買大麻,而網上亦見有種籽出售的公司,墨爾本以前時常睇到警察破獲在家種植大麻的新聞,少則一/二百株,多則有幾百株,大麻算是粗生的植物,只要有基本水耕 Hydroponic 常識就種得到,更不用特別肥料,因為種植不合法,只能在室内偷偷種植,因室內光源不足,焗住要用日光燈照射,水又要時常更換,變佐水電消耗量異常,咪差佬追查到咯.依家的差佬更使用直昇機用熱能探測追蹤,所以近年都冇乜聽到破獲室內種植大麻的新闻.
唔食奶咀咪食大麻囉！咁不如食奶咀好過，咭咭！
回覆刪除Stella 姐,係咯,食奶咀差佬唔會拉,食大麻會比差佬拉.
刪除南瓜冬瓜都是很有益處的食物，煮餸一流! 相信看到收成時會很高興。
回覆刪除阿姨,以前初見到收成真的會感到高興,不過依家見慣了冇乜感覺.
刪除以前看過關於一個香港人在澳洲吸食大麻的新聞，結果當然係拕衰家（又罰又坐監搞到香港的家人為佢籌錢打官司）。
回覆刪除再後來不知何時？澳洲已放寬和淮許一些依靠大麻治療的病人，偉兄，可有這種事嗎？
Shu 兄,我都冇睇到呢單香港人吸食大麻罰款兼坐監的新闻.澳洲有些洲份比較寬鬆,不過仍然當大麻是不合法的軟性毒,會不會修例和放寬就不知幾時.
刪除Wai 兄晚上好,
回覆刪除第一次見識到大麻, 咁綠嘅, 好似未曬乾咁,
華兄，下午好。
回覆刪除你梗係第一次見識啦，因為你是品格純正的人，只有攪三攪四的男女，酒色財氣乜都啱的人才會去吸大麻煙。
Wai 兄、被你一提、在下想起 N 年前香港有人種火麻仁、並將樹葉烘乾後當作大麻吸食。不過後來被警方悉破才立法禁止種植火麻仁。
回覆刪除域Sir，真係唔知火麻仁的樹葉烘乾可當大麻給食，我只知大麻樹好多種，有些可以做麻繩，正式當大麻花吸食用的只有一種。
刪除原來大麻是這樣的!.....剛上網check話吸大麻不會上癮,是嗎?
回覆刪除