 |
| 一位泰國餐的侍應教我泰文"小姐你好靚"讀法是"烏蠅水沫沫" |
今次返香港次天,朋友從西環開車到大埔載我們去九龍城吃泰國菜,吃泰國菜點解要去九龍城,朋友說九龍城的泰國菜是最道地正宗,我好少吃泰國菜,只知冬陰公湯和青咖哩,吃完泰國菜後他帶我兩公婆去附近一間家庭式泰式古法按摩,冇招牌全是靠熟人介紹,要預早打話預約,我老妻最喜歡按摩推拿,按摩推拿多一個叫法就是懶人做運動喎.
想起泰國餐又使我想起一件陳年往事,大約37至38年前我和我老媽兩妹參加香港的一間叫百樂旅行社泰國五天團,當時團費一千二百多元算是全港最平,五天行程食住都不錯,參加完後都感到滿意,價錢經濟口啤不錯加上報章推介,出發的團團皆滿,大約過了一年左右,我妹問我要不要去台灣?她和幾位朋友去報名參加百樂旅行社的台灣環島八天團,我說唔去啦,台灣我已去過,真係非常不幸,臨出發前幾天,呢間百樂旅行社突然關門大吉,東主自行失蹤,好多團友受影響,已報名的團友無法成行不止,而取回自己的護照人龍,更由金鐘排到去灣仔,成為當日報章頭條新聞,當時香港還未有旅行社牌照登記和賠償基金,無良奸商處心積慮,收夠錢就執笠走人.
以前參加旅行團，初時唔知道有蠱惑…通常都會俾啲導遊呃同掠水，試過一次，好似大陸的購物團咁…唔幫襯就唔俾走，又有一次，因航空公司班機延誤遲了一日出發，導遊話會順延一天，誰知最後一日佢講冇機位，只是每人賠番一百蚊，千九蚊八天團，如果照除最少都要二百幾喇，搵笨！
回覆刪除Shu 兄，以前我自己一個人從未試過跟團去旅行，但我老妻就相反不喜歡自由行，話跟圑有人安排好哂，不用擔心食宿和行程語言交通等，加上我仔女年幼，呢十幾廿年都是焗住跟圑多。
刪除依家若果要跟圑，就一定要跟些有信譽的旅行社，情願比貴些，好過參加一些廉價圑，如你的遭遇。
Wai 兄，我當時參加的旅行社都算幾有名氣㗎，康泰和永安，講明係豪華團而且不便宜，但仍一樣被搵笨。反而後來參加過一些細間的卻好有商業道德。試過一次去越南玩，我給多些貼士他們都不要，係我夾硬俾佢哋至肯收咋！
刪除Shu 兄，吓，康泰永安都係咁。
刪除其實若果體力夠捱得辛苦自由行最好，又唔使好似趕鴨仔，行程有彈性，景點自己安排，最可避一早的morning call 。
貼士都唔要，仲要你夾硬俾佢至收，正式是君子愛財，取之有道。
Wai 兄晚上好,
回覆刪除無良奸商無處不在,正如來港大陸團一樣,呃得就呃,個個團友都話去香港畀人搵笨,
我知道泰文廁所叫向南,
華兄，早上好。
刪除無良奸商真的無處不在，但大6圑免費香港遊，擺明車馬是購物圑，羊毛出在羊身上，只不過是自己貪，呢個世界冇免費午餐，但有些是不知道的，報名上學，學校関門，報名健身，老闆著草，呢d 正式是奸商。
我還識泰文多謝叫給潘。
真係冇陰公囉！
回覆刪除Stella 姐，冇錯真隂公遇到奸商，只能說唔好彩。
刪除Wai 兄、今日世界唔同、紫荊成中數家有規模嘅旅行社都是大集團旗下、所以唔會話執就執、只係通通被壟斷之嘛！小旅行社生存能力一日差過一日。萬一唔好彩、隨時又會歷史重演。
回覆刪除域Sir，啱架，香港大魚食細魚，小旅行社真係好難經營，客已經不多，競爭又大依家仲慘，不過執都怕，因為有賠償基金。
刪除