 |
| 去年九月蘋果樹開花 |
 |
| 今個星期拍的 |
蘋果樹開的花是粉紅色,真係好靓,想起差不多四十年前第一次去台灣玩時,大街小巷都聽到楊燕唱的一首歌叫蘋果花,後來傳到香港,跟著有好多台灣歌星來香港登台,仲帶動幾位歌星紅極一時.當年去台灣玩時認識一位台灣仔,他帶他姐姐出來玩時又認識他的姐姐,前前後後去過幾次台灣,一直到今天我們還保持聯絡,歲月流轉,轉眼四十年,當年因我有一位中學同學留學台灣,讀台灣大學海洋生物系,呢位台灣仔是台大農業系,當時好奇怪,我咁差的普通話竟然可以和他們溝通,也有可能他們聽得懂廣東話.
想起他的姐姐又使我想起一件事,記得大約九年前左右,她在電話中跟我說,好快就來墨爾本舉行婚禮,嚇得我一跳,叫我去移民局幫她拿一份申請居留的表格寄給她,她到了墨爾本後住在市中心的一間酒店,我和老妻去酒店找她,然後帶她來我家坐,我問她點解你唔住你未婚夫的家?她說她未婚夫話房間未打掃好喎,叫她暫住酒店幾天,第二天晚上她叫我載她去見她的未婚夫,去到後才知道他的未婚夫是一位猶太人在 Glenferrie road 經營一間婚紗店,我從未認識和交往過猶太人,過幾天後台灣妹同我說她要回台灣啦,因呢位猶太佬要她把台灣的房子賣掉,然後在墨爾本買一間房子加上他的名字,才肯舉行結婚典婚,我問她認識呢位猶太佬多久?她說才幾個月,他到台湾採購婚纱時朋友介绍認識,她回墨爾本後時常打電話給她细訴情話,唉台灣妹當時都年過半百,又不是情場新丁,連猶太人是全世界最聰明的人也不知,感情真假也分不出,又能怪誰?
蘋果樹是不能自家授粉,所以要種植兩棵以上,每年修剪枯枝和施肥,結果後噴些殺蟲劑,我多用醋開水當作天然殺蟲劑,既慳錢又唔怕污染.
台灣女子柔情又多情，祝她好運！
回覆刪除蘋果花真係好靚！
Stella 姐，她還是雲英未嫁，而且從來未結過婚，只聽過她幾次話就快結婚啦，不過次次都是得個桔，唉成六十有二，仲邊有人要？
回覆刪除以前朋友話台灣女仔好痴情，咁又幾真的，我就有個朋友去了台灣一次便中了招，娶咗個台灣老婆，又有人說台灣女仔好賢慧……
回覆刪除我諗好女仔處處都有，只係睇你好唔好彩。
而蘋果花原先應該是由日本歌改編的。
Shu 兄,以前的台灣妹也可以說比較痴情些,纯情些,依家唔同咯,對的好女仔處處都有,天涯何處無芳草.
刪除我都唔知原來係改自日本歌.
Wai 兄、猶太人計數好叻、被佢哋算過其他人都唔使點再計喇！你種嘅蘋果又大又圓、望落真係想食番個。當年楊燕將平蘋花唱紅東南亞確實前無古人。現在想起猶如昨天呢！
回覆刪除域 Sir,猶太人出咗數口精,我以前在一财經博留言講過,我朋友在猶太人區的日本餐廳做過工,有次比老细話,有猶太人買咗幾碗湯,投訴每碗差些少,幾碗加埋就算多,要補番一碗,否则以後唔幫襯.
刪除蘋果花呢首歌好聽.
Wai 兄
回覆刪除每種植物的種植法真是大有學問
一兄,對的,種植真係大有學問,有些大學還設有農業系.
刪除蘋果花好美啊! 見到都開心呀! 恭喜你妹妹就大婚喇! 送上祝福.
回覆刪除Candy 姐,對的,蘋果花真係好美.
刪除ng Wai 晚上好,
回覆刪除呢位猶太佬真大想頭, 俗語講句唔止要貼大床, 更要她在墨爾本買一間房子加上他的名字才肯舉行結婚典婚, 叫佢早 d 呌啦,
華兄,猶太人出哂名是叻人,只可說台灣妹自己蠢,呢個世界千奇百怪的事都有,我見過好多匪夷所思的事,不過冇照片無謂寫啦.
刪除