 |
| 有十多種疏菜植物,我只看它們發芽的葉就能分別出是甚麼植物,呢棵可能之前剩下的南瓜種籽,也可能是雀鳥啄食後留下糞便,剛剛發芽後千萬不要移植,等出多幾片真葉後才移植,否則一定瓜得 |
 |
 |
 |
 |
 |
 |
 |
 |
 |
 |
 |
| 呢幾個是前年種的,去年冇種,不能年年種同一樣的植物,因連作會有病害蟲寄生在泥土上. |
南瓜是一種非常易種的植物,兼且營養豐富可預防糖尿病, 降低血糖,因南瓜含有豐富的鈷,能促進人体的新陳代謝,造血功能,据說能消除致癌物質,有防癌功效.台灣,美國,加拿大等國家都有舉辦鬥種大南瓜的比赛,有的大到幾百斤,我睇過台灣一單新闻訪問一位得獎者,他說參赛者千方百計鬥種大,只不過是拿來參赛,瓜是唔會好食的,瓜肉又鞋又冇瓜味,我想是真的,種到咁大個瓜,乜都老哂,仲邊有營養和味道.
種南瓜要有大的地方比它們向外爬,瓜藤愈爬愈遠,通常先開的是公花,遲二個星期左右雌花才開,因唔同時間開花,如果週圍見唔到蟻和蜜蜂,就要幫它們人工授粉,南瓜基本上冇乜病害蟲侵襲,加上皮厚,唔怕雀鳥啄食,又可以擺放一段長時間,鬼佬西餐多是加鹽,胡椒粉焗熟做伴菜即 roast pumpkin ,切粒焗熟跟其它菜做沙律即 pumpkin salad 也有做南瓜蓉 mash pumpkin 亦有用來做湯 pumpkin soup 而我就最喜歡拿來打南瓜湯.
ng Wai 晚上好,
回覆刪除南瓜啱我 d 懶人種, 唔駛點打理,
華兄，晚上好。
刪除以前冇得上網，而且又年輕些，所以得閒打理，都種過幾十樣嘢，冬瓜，哈蜜瓜，苦瓜，不過冇種好耐，依家翻下田就覺得好倦，只種些易打理的瓜菜。
南瓜湯、南瓜糖水、炒南瓜都好正！
回覆刪除Stella 姐，鬼佬就是呢幾樣食法，唔同我地可以變好多食法，豉汁南瓜炆豬腩，我想鬼佬都未聴過呢種食法。
刪除南瓜有一陣瓜青的味道，以前便沒多人會喜歡。自從有醫學報導說吃南瓜有益，那麼各式各樣的美食就紛紛踏來…
回覆刪除最近我吃過南瓜露，南瓜酥餅，但我都係喜歡西人的南瓜湯，係要有煙肉同辣椒味嗰種。
Shu兄，南瓜真係好有營養價值，南瓜露和南瓜酥餅我都未食過，今年返香港時要試下。
回覆刪除Wai 兄
回覆刪除以往感覺上外國人士比中國人較喜歡食南瓜
而現在年輕一輩已較接受了
一哥,對的,我以前在香港都好少食南瓜,來到澳洲後才多吃.
刪除Wai 兄、種南瓜嘅樂趣我從未領略過、但南瓜嘅美味確實冇得頂。我見到圖中長出來的南瓜、內心也有一種喜悅。
回覆刪除域 Sir,香港好少人種南瓜,因為冇咁大的地方,自家種的是有機,味道好過街外的好多.
刪除南瓜甜甜地，幾好食，我不會多加其他味道，保持它的原味清純。也聽說它的營養很好。
回覆刪除南瓜湯，顏色橙橙地，好靚呀。