 |
| 放在室内種咗都有年幾,等到快開花時搬出室外,因室外陽光較多 |
 |
| 本來開兩朵花,不過時間不同 |
 |
| 個多月前,在旁邊剪一枝插在另外一花盆繁植, 成功 |
 |
| 今晚(1月16日）夜期期指即時串流報價 |
都有好耐冇寫園藝種植,今日寫的是叫沙漠玫瑰 Dessert Rose 學名 Adenium Obesum原產於非洲沙漠,所以又叫做沙漠玫瑰,上個星期我 what's app 開花的圖片比我香港的一班朋友們睇,大約send 咗比十幾人,叫他們估下呢盆是甚麼花?可惜冇一個人估中,冇辦法啦香港人生活太緊張,地少人多,邊有時間去種花種菜,呢種花根本上好粗生,夏天一個多星期淋一次水,冬天兩至三個星期淋一次,幾個月施一次肥就掂,沙漠性的植物,本性習慣乾旱,成日淋水,想它唔瓜都幾難咯.
尋晚咪姐在我的 facebook 留言,問我咁夜都未睡,因為若我開咗期指期權倉的話,通常要睇埋期指夜市,顺便睇埋美股,我一向都睡得好少,花在股票和園藝種植的時間仲多,想起師奶盲毛叫我得閒種花,自己唔識炒牛熊仲勸人唔好炒,睇我留言就知我投資水平有限,覺得好攪笑喎,我問佢地點樣炒,串流報價月费多少?佢地話港交所有免費即時報價,唉咁樣去同股市大鱷博奕,都唔知好嬲定好笑.
沙漠都出玫瑰，呢種沙漠玫瑰都非泛泛之輩！
回覆刪除懂得買賣期指期權倉，也是非泛泛之輩！犀利！
Stella 姐,沙漠仲可以種好多嘢,仙人掌亦是其中之一,我都種咗好多盆,大少和種類都不同,炒期指已炒了20多年,大把人炒得好叻,咁就叫做泛泛之輩,笑死人啦.
刪除偉兄，香港雖然有好多人愛花，惜花，對大路、小路或甚至路邊的花都好有認識，但沙漠的……
回覆刪除話到明香港是文化沙漠，這花他/她們又怎曉得？那同炒期權也是一樣，自己不懂便扮哂嘢，叫人唔玩……其實是不想別人叻過自己！
Shu 兄,你上 google , yahoo 打沙漠玫瑰搜尋,冇一個香港的blog 介绍,就知呢種植物泠門.
刪除上個星期東方日報有單新闻講有炒家炒港股40萬港幣輸剩10多萬,求教如何翻本,唉炒股都輸咁多,若炒期一早已破產,期指,期權分分鐘要上身,輸到走路時有所闻,所以唔炒好過炒.
Wai 兄、在下有眼不識沙漠玫瑰、幸好到此一遊總算又知多一點點。不過我卻唔覺意看到原來Wai 兄除了喜歡種花之外、也有收藏靚酒喎！如此寫意嘅生活、認真冇個彈喇！
回覆刪除域 Sir,係呀,我收藏80多枝红白酒,不過都是趁它們大減價時買的,正如唐英年所說,三幾百元一枝同千多元一枝分别都不大,最贵是以前去法國玩時買咗兩枝波爾多紅酒返來,一個人又飲唔哂,我只飲一杯至多二杯多就會醉,所以一直都唔捨得飲,都擺咗十多年.
刪除Wai 兄
回覆刪除靚酒擺咗十多年
都升哂值喇
一哥，都是平價貨，全冇升值能力，見減價時十元八元咪買一枝來試飲，好飲就買多幾枝，只不過貪過隠，愈買愈多。
刪除真羨慕你. 我種了多次, 葉不斷枯萎, 種親都死, 心灰意冷,可能澆水太多吧.
回覆刪除Peter 兄,種些少嘢,邊到值得羨慕.唔使心灰,下次一至二星期才淋水,用手摸下的泥,乾就淋水.
刪除有陽光的地方都很適合種植物。前兩年也來說過以前在母家的露台，種過很多的花卉。現在想起來也很回味。
回覆刪除以前偉兄幾乎篇篇都是講家裡種的植物，更新也不多。好像是自從在 G網開始，不同的話題才多起來。真是一個好現象。
阿姨,我比較鍾意旅遊,飲食,種植,依家想到乜就寫乜,只不過希望想寫些特别,和一些相片比大家分享.
刪除您真正是有園藝的愛好者/難得/
回覆刪除沙漠中玫瑰花是珍品種呢
Peter 兄,我比較喜歡種花,種菜.沙漠玫瑰在香港可能比較貴,係呢度好平因粗生.
刪除