種梨
 |
| 去年九月啤梨樹開花 |
 |
| 去年十二月中拍的 |
 |
| 呢張照片是今日下午拍的 |
種梨,想起蒲松齡聊齋誌異內的一篇故事,講有一穿爛衫的窮道士,見有小販賣的高價梨又香又甜,於是乞求呢位賣梨者施捨一個梨,小販不肯,道士又唔肯走,小販大罵,道士講你成車梨幾百個,我只想乞一個,對你冇乜太大损失,你嬲乜?旁觀的人都勸小販不如揀個爛的梨比呢位道士,不過小販點都唔肯,旁邊店鋪有一位伙記睇見咁嘈,就自己用錢買咗一個梨比呢位道士,道士話我大把梨,班友奇怪,點解大把梨還乞求人要一個,道士話只不個想用呢粒核做種籽,跟住在地上挖個洞,把吃完的核埋在土裡,叫人用熱水淋,跟著長出一棵梨樹,跟著又開花結果,成棵樹長滿又香又甜的梨子,然後摘下送給所有人,小販後來發覺原來道士送给人的梨子是自已的.
若果我係呢位小販,肯定唔會有成車梨唔見哂的事情發生,因為我的性格一定會施捨一個給呢位穿爛衫的窮道士. 我呢棵梨樹都種咗十幾廾年,每年都有二/三十個啤梨,味道清甜,多汁,有時又用來加瘦肉煲湯.梨樹開的花是白色的,真係好靚,所以有人說一樹梨花壓海棠,梨樹唔同蘋果樹,梨樹可以自行授粉,種一棵就可以開花结果,蘋果樹就唔可以自己授粉,所以要種二棵以上.
小販都是商家佬，佢哋唔同我們常人心態，諗東西有別我們。
回覆刪除我喜歡啤梨多過蘋果。
Stella 姐，幾百倜梨子，肯定會有些爛或不好不能賣的，要丟掉，不過此小贩心態可能是情願丟掉也不願施捨予窮人。
刪除小販商家都是人，不過有些商家是值得人尊敬，好似深水埗有一間食店老細咪成日義賣，每次我行經深水埗都會對他由衷感佩。
大部份水果我都鍾意，只有榴櫣唔鍾意，一次都冇吃過。
ng Wai 午安,
回覆刪除桃花紅, 李花白, 桃李開花真係好靚, 在下鍾意甜味的生菓, 包括榴櫣, ng Wai 兄可買一個並非太熟的試吓, 可能會中意呢,
華兄，晚上好。
刪除我和小兒小女都不吃榴櫣，只有我老妻吃，她以前叫我用手按住鼻子試吃下，不過我一聞到個陣臭味就無法吃，不止榴櫣，臭豆腐都不能吃，我老妻話我冇口福喎。
ng Wai 晚上好,
刪除起初家人也不吃榴櫣的, 經淺嚐後才慢慢地接受, 現在一個人可以吃一個榴槤, 十分誇張, 而臭豆腐就全家人都不吃,
華兄,晚上好,
刪除我不止榴櫣,臭豆腐不能吃,連鹹魚都不吃.
看了偉兄多年的網誌，都知道兄台不會像那個小販那麼的吝嗇孤寒！所以人緣極好。
回覆刪除不過吃的口味就人人都不同，很多生果我都喜歡吃。中年以後，我竟然愛上吃榴槤了，記得有一次，一個人吃了一個大榴槤，面不改容。
回想少年時，第一次買了一個榴槤回家，開了之後，姐姐驚呼而走，使我也不敢吃，終於拿去棄掉了。浪費了我拿回來的心力，和購買的金錢。此一時，彼一時也。
第一次見到掛在樹上的啤梨，嘩！好開心呀！
回覆刪除阿姨，我老媽老妻就是非常喜歡吃榴櫣，呢到酒樓有榴櫣疍撻，榴櫣雪糕，不過都是亞洲人吃，大部份鬼佬都唔吃。
刪除香港是亞熱帶，唔啱種梨，蘋果，奇異果和葡萄，因為它們要溫差大的氣候。
偉兄，臭豆腐我都唔鍾意，在街上一聞到小販在炸著，就覺得嗅覺得很辛苦！快快走過。
刪除阿姨,依家好似冇乜小販賣臭豆腐,遲些可能會失傳.
刪除首先要讚讚偉兄種的啤梨好正！
回覆刪除至於種植生果，有一樣最煩，那就是怎樣除蟲，和怎樣防止鳥兒啄食，同時也很容易吸引蟻群，所以我不懂就只有去買……
Shu兄，你可以用醋開水溝淡後噴在水果上，是天然有機殺蟲方法，也可用水果化學殺蟲劑，我通常好少用，有機種植防蟲能力較強。
刪除Wai兄
回覆刪除看到你種的梨
我感受到「樹上的新鮮」
一哥，樹上新鮮摘下來吃的味道特別唔同，清甜好多。
刪除Wai 兄、你種出來嘅啤梨又大又豐滿認真吸引。在下覺得故事中那小敗看來是很孤寒、但道士用法力將人家的梨分晒畀人亦太過份。大家謀事應講求你情我願、既然有一方不願又何必免強？萬一小販因損失慘重看不開自尋短見嘅話、道士豈非成殺人兇手？那麼他的修行可以講得上是個屁而矣！
回覆刪除域Sir，真係有見地，我都唔認同呢位道士的做法，若果變去些少，比些教訓他，法理是不容，情還可以勉強說得過去，成車冇晒血本無歸，如何謀生？
刪除