 |
| 國際商業法 |
 |
| 頂級鍚蘭红茶 |
 |
| 防偽雷射標簽 |
今天又想起以前認識的一位年齡28歲朋友,我依家幾乎再冇廾多歲年青的朋友了,他是斯里蘭卡人,來這裡一間大學叫 Deakin University 讀法律系,呢間大學都不錯,認識他也有二年多,因他以前每逢星期五,六,晚上五時後,就到我朋友做廚師的日本餐館做洗碗清潔雜工,直至晚上十一時左右收工,每次見他時他,他都笑容滿臉,記得有次晚上十時後我去探我朋友,朋友叫我等他收工後一齊去飲嘢吹水,而我就順便問呢位斯里蘭卡仔去唔去飲嘢?好呀,他真爽快一口就認承,若果係靓女就好啦,我們就一起到附近的唐餐廳吃嘢吹水,之後我送他回家.其實都唔係好順路,要開多廾分鐘車,之後都一齊飲過幾次嘢.
大約2006年頭,有一日他打電話给我,話有二件事唔知我可唔可以幫他?我說甚麼事,睇下我能力做唔做得到,他說他要回斯里蘭卡,他和他的女朋友都不獲移民局批學生居留的延期,因他們都冇上學好耐,可能功課追不上,他有幾箱舊書要暫時放在我處,而他亦不夠錢買二張機票,要我借幾百元給他們買回 Colombo的機票,我說好的,我就去他家幇他搬了此五箱書回來放在我家的雜物房,等他有機會回來時再取回.
唔記得幾耐,好似過咗一年多,有一日有人打電話給我,話斯里蘭卡有位朋友託佢帶一罐茶葉和幾百澳元還给我,我幾乎忘記咗有呢件事,見到呢位斯里蘭卡仔說,我的朋友现在在可倫坡當差,給了他的電話比我.有次我打電話给他講起仲有呢幾箱舊書如何處理?他叫我丟掉算啦,我打去圖書館話有書要捐,圖書館問我乜書?我話法律的舊書,圖書館不要,我又去書局問,有二手法律舊書賣要唔要?他們又話不要,只要中學的二手舊書,我想法律的書隨時代步筏,不停修改,丟掉又浪費,唔丟掉又冇用,法律舊書唔同歷史舊書,歷史書放幾耐都得,因冇可能修改,不過日本仔就不同,因為只有日本仔最喜歡刪改歷史.
偉兄常常仗義幫助朋友，真係唔話得。只要稍有良心的人，都會知所回報的。
回覆刪除說得對！日本仔最喜歡篡改歷史。瞪大眼講大話，這些不真實的歷史書本，連日本自己的學校都不肯採用。
聽說只有一些弱智的學校肯用。哈哈！
阿姨，你真係風趣，我同你想法一樣，只要日本仔正常的學校都唔用自己的歴史教科書啦。
刪除這個：「日本正規學校棄用篡改歷史的教科書，只有弱智學校才會選用為課本」是當時傳媒新聞發出來的花邊消息，也是當時日本國內的一個真實現象。
刪除事實上，日本國內的平民，很多都討厭戰爭，並且同情受侵略的中國人。好戰多是軍國主義的政要人物吧。
阿姨,日本仔民族性是服從,聽教聽話,記得好耐以前我工廠有一位日本仔學師,初來時我們中午12時去吃午飯,怎麼搅12時半還不見他人,陰公咯原來冇人叫他去吃午飯,他一個人企係度.我厚多士去同佢講,以後一夠鐘就自己去,呢度冇人會叫你.
刪除所以一出軍國主義的领導人老百姓就慘啦.
Wai 兄、在下對於架仔改歷史不但只唔嬲、反而有點開心。因為只有懦弱嘅人才會千方百計自欺欺人。由此證明一個強悍嘅民族早已隨二戰失敗消失咗、今日嘅架仔只屬有姿勢無實際嘅無膽匪類而矣！
回覆刪除域Sir，其實日本仔好多嘢，如文化，茶道等，皆學自中國都完全保留完整，唯獨歴史不敢面對，同是戰敗國德國就承認歷史。
刪除Wai 兄、德國嘅優勢就係可以把責任全都推到希特勒身上去、但架仔就不敢賴在日皇身上、因此只能賴賬矣！
刪除域 Sir, 對的,日本仔點敢賴日皇.冇得賴咪只有改寫歷史.
刪除Wai 兄真的很珍惜物品
回覆刪除即使別人放棄的東西也寧願物盡其用
活出它的意義
唉，咁多書掉丟好可惜，咪試下有冇方法物盡其用咯。
刪除呢幾箱舊書wai最終如何處理呢？！
回覆刪除Stella 姐，依家仲留在鐵皮雜物屋，你要我全送比你啦，照片是上個星期日拍的，茶葉都忘記飲，你飲唔飲呢種要㷛水煮的紅茶？
刪除ng Wai 晚上好,
回覆刪除法律真的可以改完又改, 但友情就永不更改,
華兄，中午好，
刪除法律是要不時修改，與時並進，之不過香港立法局好多議員懶理法例是否過時，是否合理？全部冇時間去討論修訂，皆因時間浪費於佔中。
對的，友情是永不更改。
偉兄所講的事又使我想起在澳洲認識的一名加拿大籍廚師，因他知我會到美加旅行，他希望我能幫他帶一面加國國旗給他。但是，我根本跟他並不熟悉，傾偈也沒多兩句，而且國旗也可以在這裡買到又何來要麻煩人家…
回覆刪除最後好彩沒有去買，因回來後他已不在。
Shu兄，好多人都是隨口噏，不必太認真，交朋結友不是三言兩語就可成為朋友，路遙知馬力，日久見人心，同鬼佬成語一樣。
刪除Long road test the horse , long dealing test the friend.