今日得閒不如再寫多一些多明尼加,呢個國家帶給我好多光怪離奇的回憶,短短一個月內朋友介紹我認識咗8位香港移民多國的朋友,其中有3位已回流香港多年,1位去了美國纽約,1位仍留在多明尼加,其它的已失去聯絡.
先說失去联絡的兩位,一位人人都叫他做明哥,他在Santo Domingo 長堤遊客區唯一的一間頂级酒樓做大厨,他12歲小学尚未畢業,就在香港酒樓廚房做學徒,1969年呢間酒樓老闆林先生到香港招請大廚,有人介紹他去見工,林生聘請了他,簽咗三年合同,1970移民多國,老闆代付單程机機票,每月在薪金中扣付,直至還清為止,記得當初識他時,和他一起去長堤一間cafeteria 飲咖啡吃蛋糕,原來他不會看菜單,簡简單單的西班牙文都唔識講,我問明哥有冇搅錯?咁多年都唔識,他說他整天困在廚房,見的都是唐人,講的都是唐話,休息的一天多是到會館打痲雀或在家裡練神打氣功,連最容昜交的鬼妹朋友一個都交唔到.
有一日佢叫我和朋友到他做工的酒樓吃晚飯,話有魚翅吃喎,老番只識捉唔識食,賤價賣比唐人,有些人加工後運到香港上環賣,我們去到後,他帶我們入廚房参觀,這亦是我呢生人第一次入酒樓廚房,他講解每碟菜都要有人做執碼,即是將菜放在碼碟上,厨師走油時順序先把最難熟的下鑊,又講解魚翅如何發如何去鯊,十分專業,不过我都忘記哂.吃完晚飯後他同我們講今個星期六下午三時會在吳氏宗親會館表演神打,叫我們有興趣可以去睇他表演.個日去到時已圍滿人,只見他頭手腳不停的動,用刀砍肚時,真係陰功咯一刀砍入,血流滿地,嚇到個個大叫,我都冇眼睇咯,明哥佢入医院缝咗 20幾針.
嚇C人喇..............所以我不喜歡睇硬氣功怕睇到失手，不過未試過睇神打！！
回覆刪除Stella 姐,我都是第一次睇神打,去医院探他時碰到他的老闆林先生,他跟我們說,好人好姐边度會自已砍自己
刪除我認識一個叫「神打書」的侍應，有人告訴我，他曾在切檸檬時割損手並流血，而他念念有詞之後那傷口就不見了，另一次，也有人告訴我，電視影藝人「大口青」在喜來登酒店表演神功，用刀砍自己，也沒有血，是真是假，不得而知？
回覆刪除若果硬气功練得好,而且把刀又鈍,都有可能砍唔入,冇聽过大口青在喜來登表演神功,
刪除記得那一年，如果唔係74就係75年，那時喜來登會有不同大細的表演場地租出。
刪除另有侍應說，曾看過那裡的時裝表演，那些模特兒沒有害羞在他們面前露體更衣，為的是趕時間。
神打呢家嘢認真神喇！一係就刀槍不入、一係醫院進入、危險啲喎！
回覆刪除域 Sir,依家都好似冇乜神打表演咯
刪除