SABARAGAMUWA

酒店 COMPLIMENTARY 鲜椰子水兩個

酒店共有獨立屋十一間

酒店露台面对茶園

每行茶樹中間都種一棵大樹作為區分讓採茶工採完茶後掛上標記,等知道採到那個位置



小型電動車在酒店接待處直接載客到房門外,拿著行李行都幾遠

玉桂樹

橡膠樹

呢間酒店位於半山茶園內,離Colombo 大約60多公里,不過公路不好走,車多人多交通阻塞,要兩個多小時,我們在Colombo包車去要55元,回程酒店幇我們安排包車50美元,環璄非常清幽寧靜,只有十一間客房,旺季要好幾個月前訂房,房租155美元一天包兩人自助早餐,早餐冇乜野好食,都忘記影相.

 

離茶園步行半小時左右就見到一橡膠園,種滿橡膠樹,橡膠也是斯里蘭卡第二大出口的貨物,橡膠種子榨油後可做油漆肥皂,割橡膠時新鲜流出的膠汁是白色,過一段時間後就變黑,如上圖片.玉桂也是斯里籣卡第三大出口,再行上半山,大約一個小時可見到彫刻大佛像,不過我老妻唔肯行話辛苦,所以冇去到.

Galle

簡介Galle 古城1988年列入世界遺產

古城其中之一個入口

呢間荷蘭式教堂有四百多年歷史

一美元給呢位印度亜差,佢就吹笛眼鏡蛇表演




三間餐廳之一

三間餐廳之二



印度洋落日




分段收費高速公路

Galle離 Colombo大約120公里,因有一條分段收費的高速公路,只要一小時多就到,呢條公路非常好走,因車少,加上三輪 tuk tuk不准行,我朋友比我試開他的車,我都開了大半粒鐘,感覺非常好走仲好過澳洲好多,沿途綠樹成蔭,風清氣爽,正呀.

古城堡面積很大,依家還住有好多人,有時裝店餐廳酒店,我見到有警察局和法庭,仲見到一對上海來的老表兩人穿埋婚纱,用腳架自拍婚照,我聽到他們講上海話,阿拉聽不懂只識一句謝謝儂,山長水遠來到世界遗產拍結婚照,佩服有品味有特色,起碼好過我外甥女幾個月前兩人去日本穿和服在櫻花樹下自拍结婚照,花幾皮扮成日本仔日本妹,雖然是自己外甥女,也要講真話,他們品味實在普通,大路貨色.

我住的酒店叫 Fortess Resort & Spa Hotel 二個多月前訂房,若果旺季要半年前訂房,從房間露台遠眺印度洋真係好靚,夕陽西下更美不勝收,可惜我唔識攝影,無法啦,而且成曰忘記拍照,呢次帶佐一部 Nikon 320單鏡,一部Canon傻瓜呢部有12.1像素,和 一部手机總共才拍佐五十多張,而我老妻只用手机比我拍得多成倍．

Kandy

Kandy 市

佛牙寺入口





佛牙寺負責人先帶我們下去贵賓室坐下休息,等他安排工作人員帶領和講解

佛牙寺內的貴賓休息室

佛陀釋迦牟尼的佛牙就在內裡

遠眺佛牙寺

Kandy 市1988年列入世界遺產,離 Colombo大約110公里,因為是山路崎嶇不好走,加上車多人多,而且只有一條公路,車程足足花了四個多小時,最近開始起一條高速公路,但最快都要2年後才建成,到時省卻不少交通時間,若果趕時間更可以即日來回 Colombo.

呢個市最出名和最吸引人就是佛牙寺,据說是佛陀釋迦牟尼剩下二顆的其中一顆,極為珍貴,今次有幸是我朋友認識斯里蘭卡一位政府部長, 朋友以前和他是同村鄉里由细玩到大,今次我都有和呢位部長見面,他還請我們在 Colombo 一間頂級印度餐廳 Agra 吃晚餐,他打電話比佛牙寺負責人,吩咐負責人安排我們入內參觀佛牙,派人沿途詳盡講解,我好奇問呢位負責人,以前睇過一本書講斯里蘭卡的和尚吃肉是不是真的?他說是真的,不過是極少數,因有好多教派,有些仲埋結婚.

Colombo

市中心 Cinnamon garden 盤坐的釋迦牟尼

公園對面的 town hall

全市最旺的一條大街 Galle road

全市最高的大廈

火車總站,睇過老表一套劇集叫"千里尋爸"其中一集講一位幾歲小朋友單獨一人由中國到逹斯里蘭卡可倫坡尋父親,到了機場再坐巴士到火車總站再向人問路,就是呢個火車總站

總統府,當日行經見到有和尚唸經作法,鼓樂喧天

今次自由行去斯里蘭卡玩了十一天, Colombo住了五天,因我朋友住在 Colombo,他陪我們玩了差不多一個星期,又請我們吃一餐中餐,一餐斯里蘭卡餐和他家的一餐家常便飯,而且又每天載我們去這去那,唉都唔知講乜好,只有在此再次講多一聲 Thanks.

斯里蘭卡算是一個貧窮落後的國家,但相比其它落後的國家,實在好很多,街上見唔到好多乞兒仔,貪污亦不多,只不過受南印度影響最大,因一海之隔的國家印度,主要交通工具就是印度特產三輪 tuk tuk,秉承印度交通特色風釆,人車爭路各不相讓,幾乎未見過有人會禮讓,朋友有部四驅車叫我試下,咪撹啦,我唔敢斯里蘭卡自駕遊,雖然我自已覺得駕駛技術唔錯,但連鬼佬的旅遊天書 lonely planet都叫人包車連司機.仲話自駕遊極少見.