收藏品

20元金幣正面

背面

$20 瑞士法朗

 香港紀念幣

 

網友十二月哥話等住睇我的美國$20元金幣,呢個金幣是我第一次去三藩市玩的時侯,行經一間金鋪,剛好我用剩幾百美元,咪用來買呢個金幣.

兩個20瑞士法朗亦是我去瑞士蘇黎世玩時數下用剩三百幾法朗,我想不如攞黎買金幣,好過買朱古力,因金幣得閒可攞出黎睇下,冇錢時又可變賣,朱古力吃完就冇,我仲有四個金幣十幾個銀幣,銀幣中有一個袁大頭和10元法國法朗,不過一時揾唔到,仲有些地鐵紀念車票都唔知放咗係邊度.

米芝蓮二星餐廳



 






朋友 昨天whats app 比我睇,他一個月前訂的香港一五星酒店的米芝蓮二星法式晚餐,每人HK $1585 另加紅酒 $888 二位盛惠$4946.
若果我就唔會試,因為吃唔起,一家四口差不多要成萬,就是吃上面個幾樣嘢,我個人覺得唯一好處就是有維港夜景.食物又冇乜特色,青菜湯,帶子,龍虾.

他去年在紐約一家三星級法國餐廳吃晚餐,亦是要一個多月前訂位,每位差不多五百美元,他有 send 相比我睇,總共＋一道菜,好味.佢仲話我若果冇小朋友,一樣可以去旅遊嘆美食,唉就算時光倒流有得比我揀,我一樣會揀要小朋友,唔要食成千元一餐的美食.



PRAY FOR MH 370

pray for MH 370

呢間是美味少爺介紹,我whats app比他参考

 我舊年去馬交時試過的乳豬焗飯,他想試下,可惜我忘記了地址

唔知点解會上載呢張相,都忘記咗係邊度食

我澳洲一位朋友,夫妻二人今晚搭馬航去吉隆坡玩幾天,然後到香港和澳門,他幾歲大就跟父母從香港移民來此,中文只識寫自己個名,講就只識三幾句,我認識他好多年,他結婚大約有十二年,但不知甚麼原因,冇小朋友,所以生活優悠自在,每年都去二至三次旅行嘆世界,享受紅酒美食,他亦是食家,尋日他whats app send 咗一條 link比我,他說一個多月前訂咗香港 Intercontinental 酒店的一餐晚餐,是米芝蓮二星法國餐,http://www.hongkong-ic.intercontinental.com/dining/訂位要早成個月,他說沿途會 send 相比我睇.

想起馬航的一班由吉隆坡飛北京航班失蹤了七天仍未尋回,唉真係冇陰公咯,乘客都是兇多吉少,我搭乘過二次馬航,第一次最少都有三十多年,當時還未改名,叫馬來西亞航空糸統 Malaysia Air System,服務和飛機餐都不錯,因為馬來西亞是回教國家,所以冇豬肉供應.

日子匆匆走過,轉眼又週末,祝各位週末愉快.

costco wholesale

Costco wholesale



Costco 大型超級市場,美國資本,採取會員制,二人年費60澳元,每個會員每次可以帶同一人內進,貨品種類極多,据說價錢比外邊的便宜些,我朋友夫妻兩人,每次來都叫我帶他們去購物,他的老婆最鍾意購買大細毛巾,一買就好幾條,又自用又送比人,產自埃及,她說棉質好價錢平,香港冇得買喎.

不過唔係樣樣嘢都平過外邊,就如上圖三星的 sound bar 連無線 sub woofer已經減咗價,但仍賣599.98元,幾個月前,我在一間影音店買才五百多元,我鍾意它內置二個真空胆,睇演唱會的 DVD時,人聲會柔和些.

話咁快又週末,祝大家週末愉快