種辣椒

2012年5月



2012年8月

2013年6月冬天時移入棚架,好重要花費好大氣力




2014年10月夏天陽光多日照時間長,又要再次花費氣力移出花園

兩年多前我去一間越南餐館吃湯粉的時候,隨碟附上的生芽菜和幾粒生辣椒,吃咗一粒後感覺非常辣,因我唔吃得辣,不過我有幾位朋友就吃得好辣,心想不如帶幾粒食剩的種籽返屋企發芽,試下種唔種得生,好彩個多月後發到兩株芽,我將它們分為兩盆移種在較大的盆.


有一天我的一位印度朋友和他太太小孩來我家玩,他吃得很辣,我就把其中一盆較為粗壯的送给他,等他有自家的新鮮辣椒吃,我告訴他多次,不用澆太多水,用手摸下的泥,乾就淋些水,一年後生長成熟才施肥,因辣椒是熱帶植物,不耐寒,冬天時要用開咗幾個洞的透明膠袋遮蓋,或者移入室內,可惜他種不了多久就種瓜了.


十多年前睇過一本飲食雜誌介绍辣椒,全世界最辣的辣椒一,二,三名全產自墨西哥,第一名是 Habanero,第二是Serrano,第三是 Ancho ,第一辣椒的辣度驚人,可高逹500,000個 Scoville units ,廚師在處理呢種辣椒時要帶手套和面罩,中國最辣的指天椒才不過30,000至50,000 Scoville, Scoville就是量度辣椒的辣度,是一百年前美國一位藥劑師 Wilbur Scoville 發明的量度方法所以用他的名字.


後記,墨西哥的 Habanero一哥的地位已比印度的 Bhut Jolokia魔鬼辣椒取代.

http://zh.wikipedia.org/wiki/%E9%BB%84%E7%81%AF%E7%AC%BC%E8%BE%A3%E6%A4%92

http://the-sun.on.cc/cnt/lifestyle/20090817/00479_004.html

新開中越式餐廳



雜會炒麵



雞粉

越式炒牛柳粒飯



順化粉

以前介紹過我家附近的一間中越式餐館叫''二娘 ''    http://ngwai.blogspot.com.au/2014/02/blog-post_9719.html  生意愈做愈好,週不時見到客滿,有時又見到她們即場演唱,自彈自唱助興,不過飲食業不是光靠唱幾首歌就得,有可能她們見到生意很好就開始疏於打理店務,而且經常不見二人芳踪,所謂力不到不為財,最近我多次行經她們的店,見到生意比以前差多了,原因是隔壁和對面都各開咗一間中越式的餐廳,同一條街,再步行多五分鐘又開多一間,叫古越,來頭不少,因主理人有一間開在越南街,打出名堂,再來這裡開分店,我去試過,古越呢間週末更要排隊等位.競爭多了,而且食客來來去去都是住這區的人,生意差是正常的.

呢間店舖新開張個多星期後,當日我們一家人是第一次幫襯吃午餐,都好多客人,坐了八成多人,新開張有如此算是不錯,老闆真識做,還送咗兩杯越南滴滴咖啡比我和我老妻,我好少飲咖啡,若要飲鍾意飲藍山,此店新張期內的一個月,有九折,老闆娘仲叫我以後多些幫襯.


大约25年前越南初開放時,我在香港和一位舊同事去過玩四天,第二次剛剛好是10年前,我們一家四口自由行玩咗十天,我都感到奇怪,帶著兩位小朋友好辛苦,都唔知點解會在越南呢 d 地方玩到十天咁耐?除咗我喜愛旅遊之外,也找不出甚麼原因, ''越南吃的也不見得怎樣好吃,一出街就滿身大汗,依家仲衰,滿街電單車搶銀包手袋,又嘈又吵''這是我朋友兩個多月前去玩完後回來同我講的話.




越南簽証費10年前要60元依家就不知多少

五鑽级酒家

北京鹵肉

野鮮菇雞球



豆腐皮包肉丝



尋晚鋸扒的時候,小女忽然問我,點解香港有,澳洲冇米芝蓮餐廳評级? 佢問我,我問邊個?又使我想起餐廳評级,大约30多年前我去西班牙旅行時見到餐廳的門楣上用叉做評级,一巴叉至三巴叉,叉口向上,而法國就在門外用星做評级,今年九月去北京時就第一次見到用鑽石做評级,一至五粒,我包車去居庸關長城,玩完回程時在南口午膳,見到呢間有五粒鑽石咁犀利,不如入去試下.

呢間餐廳名字真不好記,所以想來想去都想唔起叫乜,好似叫金殿,原來老表的鑽石評级制度,同洋鬼子米之蓮相反,老表首要看停車場有幾大可停多少車,其次餐廳的衛生,環境和厕所真係幾衛生,之後才是服務態度和食物質素.若果只睇鑽石的評级而去光顧,一定會感到失望.


拿,睇睇今次五鑽石餐廳的食物,不是我奄尖,顺便擦Stella 姐鞋,她有寫食評,前幾日介绍牛池灣個間街坊小食新志興睇相仲好過呢間好多,我問服務員有甚麼好介绍?她介绍北京鹵肉和豆腐皮包肉絲,我就話麻麻地,不過小兒小女話好味,真係比佢地激死,佢地只食肉不食皮,肉跟白飯同吃,甜酸咕噜肉味道的,小兒小女正是鬼佬口味,以上四菜一湯,四碗白飯,兩罐可樂,一枝啤酒,盛惠420元人仔.

滬港通

大閘蟹堆積如山的相片,是我香港一位朋友的公司請客時他拍下, 公司成百人都幾乎食唔哂,他whats app 比我睇,我睇完就放上 facebook, 剛好網友 Shu 兄在蟹山的照片留言講 ''滬港剛通.....好大諷刺呀''!


原來他遠在新西蘭也有留心港股,Shu 兄可能同我一位靠炒股而家财千萬的朋友一樣,真人不露相,他在香港有兩個地舖收租,他從來不同我講股票,或者我在他眼中唔夠班,又或者怕我賺得多過佢,他最近呢幾年每年都和他老婆來澳洲避年,他whats app 我,話買好了二月十五日的機票,叫我如果得閒就去接機.滬港通由今個星期一開通到今日星期四為止,跌足四日,共跌1040點,星期一早上開通時,高開二百幾點,煙花盛放,怕吃虧賺少,走去高追的股民差不多全部做蟹,中咗德國股神Andre Kostolany 名言,叻人買於股價粛條,賣於煙花盛放.


我以前多次叫人唔好炒牛熊,因為有回收機制極唔公平,可是曾經有師奶盲毛話我唔識炒股,唔識炒牛熊,只識種花,連牛熊咁安全簡單都唔識,睇我留言就知我投資水平有限喎,所以我係呢度都極少講炒股炒牛熊,以免失禮於人,不過今日講開牛熊,所以又講一下,上面兩張即時報價的照片就是今年八月頭做出的差不多全年高位,一口氣 K O咗一大堆熊仔,我連相都影唔切,當時槓桿比率全部百幾倍,牛熊証買收回價遠冇敏感度,買得近瓜得,仲有好多時無良庒家又唔開價,只有眼光光等,瞬間失去賺錢的黃金機會後才開價.

 

 

飲茶

鐵茶壺好重,一公斤半

鐵觀音前年和今年幫飲茶人買的

千年野生普洱

千年古茶普洱



最貴的要220000日元

今次返香港玩時,約咗朋友在沙田沙角村飲茶,飲完後去沙田一田百货公司行下,見到有鐵茶壺,標價五百多元,我問售貨員產地是那裡?她說是日本,後來我去飲茶人的店買茶葉,剛好她也是用鐵茶壼煲水沖茶比我飲,而她用緊的那一個是老表出產的,我就厚多士的問她,日本仔一田百貨賣五百幾元一個的鐵茶壺是不是日本仔生產的,她說日本仔邊會咁平.

我之前電郵問過一間日本仔南部鐵茶壺的工廠,要買人手做的一般要等三年,有些更要等五年以上才有貨交,普通的都要三至六個月,電郵寫明因大6老表量需求大,所以才要等如此耐,奇怪不奇怪呢?老表自己大量生產,而且價錢有些平十幾至幾十倍,但他們不要買,要等幾年也要買日本仔生產的,情況有些似奶粉,奶粉有毒還有理由,但茶壺是用生鐵,照計唔怕,我依家用緊的也是老表,不過我在叧外一間訂咗一個日本仔南部生產的鐵茶壺,大約一年後才有貨交,貨錢已付清.

我好鍾意飲茶,不過我老妻唔鍾意,只愛咖啡,小兒小女更不喝,每次只有我一個人沖茶來飲,一邊飲茶一邊睇書,自得其樂,我有一朋友很鍾意飲茶,他廾多年前去雲南旅行時,買咗萬幾元茶葉,因太多帶唔哂,剩下的要由雲南寄到香港,十多年前有次我返香港玩時,他送咗10餅普洱茶餅比我,咁多年我只飲咗一餅,因只有我一個人飲,我仲有好多印度和鍚蘭的紅茶,是印度和斯里蘭卡的朋友送的,不過一時之間搵唔到,唔知放咗去邊度.

開花

一開就兩大朵,而且左右對稱,旁邊矮些少亦是一樣開兩大朵

呢盆種咗七年多今年才開花

種咗差不多四年,亦是今年才開花

君子蘭去年開兩朵花,今年開三朵

去年自己繁植

曇花一現

蟹爪蘭

沙漠玫瑰就快開花

睇到新西蘭網友 Shu兄介绍的花開得好靚,繁花似錦不過那些花是種在大地的泥土上,而我家所種的花難度就比較高,因為種在花盆內,而開的花亦不錯, post比大家睇下.

前天聽到一單新聞講有香港人在新西蘭南島自駕遊遇上嚴重大車禍三死一重傷,据說和一架货櫃車相撞,今年春節亦有一單香港人在新西蘭自駕遊遇上車禍魂斷異鄉,真慘.

大約廾年前我曾和老妻自駕遊,由北島奧克蘭到威靈顿然後過南島經基督城到皇后鎮,沿途風光如畫,路上車少好走,好多時會不自覺開快車,而且又不熟路,往往掛住睇風景一不小心就會好容易遇到意外.有意到外地自駕遊的朋友千萬要小心謹慎.

燴羊仔腿 braised lamb shank

先把羊仔腿煎香

加入蒜頭,洋蔥,紅蘿白, bay leaf, 西芹,香草

加茄醬,糖,鹽,胡椒粉,红酒

加水蓋滿

用鍚紙封好放入焗爐 180度焗2小時,唔用焗爐亦可,放在煲內慢火煮2小時左右

剩下的湯把油取出埋獻淋在羊仔腿加上伴碟菜

呢個燴羊仔腿是我一位比利時籍大廚朋友做的拿手菜式之一,前幾天晚上經過他做工的酒店順便搵他吹水,因他今個星期五返比利時度假大约一個月左右,他說會帶一些在澳洲買不到的比利時朱古力给我吃喎,莫非他知道我鍾意吃朱古力?

他同我好多嘢傾,認識他都有七至八年,是我一位朋友介绍我識,此人好多嘢講,一講就幾乎唔停得口,此君行年五十,仍是宅男一名,忘記幫他影一幅相放上,留番他回來後再影,他以前也是在一條五星遊船做大廚,個日剛好見他整緊呢個燴羊仔腿,他說有客人訂咗呢個菜,我之前試吃過,味道唔錯,方法簡單,在家也可以做,拍下做法的照片比大家參考.