kiwi fruit 奇異果

奇異果

雌樹

  奇異果是我第一次學種,呢二棵,一公,一乸,種咗己有個多月,希望能種得生,種到有果仲好,睇網上介紹的種法,是要不停的修剪,否則只見樹葉不見果,墨爾本天氣唔係好適合,因為熱天太熱,而且有時高温達四十多度,分分鐘會熱死,呢二棵是我朋友從雪梨帶來給我,雪梨天氣就好多了,果園種到有果賣.


奇異果原產地是中國,原名是中華瀰猴桃,新西蘭一位女士從中國帶回新西蘭後交給一位農業專家研究種植,經過多次品種改良,青出於藍,依家出口到全世界,包括埋中國.

話咁快又週末,祝各位週末愉快.

煙肉蘇皮南瓜湯

朋友送的小南瓜

切小塊加洋葱油鹽,胡椒粉,放在焗爐大約焗 15分鐘

加薯仔雞肉,

煙肉炒香後加入

 加上蘇皮放入預先加熱的焗爐,200度焗10-12分

煙肉蘇皮南瓜湯,因小女喜歡煙肉,所以我咪加煙肉,小兒喜歡帶子,咪加帶子,若你喜歡海鮮,可以加海鮮,喜歡龍虾鮑魚咪加龍蝦鮑魚咯,任隨尊便,方法如上,不是我自己創做出來的,是我睇個位星級意大利厨師的做法,至於蘇皮,香港百佳惠康都有現成的賣,也可以自家做,不過花太多時間,

越南餐廳

餐廳叫做二娘



二娘就是呢二位

 生意不錯



越式炒飯

 雜會炒麵

越式牛枊粒炒飯

呢間越南餐廳在我家附近,開車五分鐘就到,以前亦是餐廳,不過執咗笠,後來呢二位越南姑娘頂回來做,點知時來運轉,生意愈做愈旺,而且好多時仲要等位,她們一個星期有二/三晚現場演唱助興,有時唱越南歌,有時又唱聖詩,因她們是基督徒,其中彈結他個位姑娘我認識她,我跟她說,我把你的相和餐廳食物放在我的博好不好?她問我的博多不多人瀏覽?我說唔收你錢,免費啦,平均每搏文大約90多人次瀏覽,對我來說是很多.

又到週末,祝大家週末愉快.

朋友自駕遊 2



成條公路開半小時車,都見唔到一部車




冇車,真係舒服咯



朋友前日返到香港,他把澳洲自駕遊的一些照片用 we chat 微信給我分享,我覺得用微信照片分享好過用what's app ,因照片可以一組,然後一張跟一張的睇,照片上黑框的一點點向左移.

他冇帶相機,只用手機拍,嗱,睇下呢位老兄的拍照技術,好不了我幾多,呢幾張可以叫做精選,他說澳洲自駕遊真係好享受,有時開半小時車都見唔到一部車.自由自在真舒服,返到香港開車過海底隧道時就想發火,冇法啦,地少人多.

晚餐

餐館叫 NUEVO 37

頭盤      12小時慢火焗豬腩肉配越南香草沙律

焗新西蘭三文魚柳

 安格斯牛扒配三椒汁 

糕 

可遠眺皇冠賭場

尋晚請朋友鋸扒,呢間西班牙餐館,幾個月前我一家人來過,貪地方濶大,枱與枱之間空位多,食物都不錯.

他們今天早上返家了,感覺有些少失落,唉最快都要明年九月才會再見面,因我明年九月才會回香港.

朋友自駕遊 1



朋友在 Queensland  Brisbane 租的棍波車




好開心今天到達我家門口啦


朋友夫妻二人,年初一從香港出發,先到新架坡再到 Brisbane 布理斯本,租咗一部韓國棍波車一個星期,他告訴我不另外租用 GPS衛星導航,因每天要多付8澳元,只用 Iphone 手機的導航,而且又不租日本仔的自動波車,租韓國棍波單門車仔,每天又便宜二十多澳元.他們沿途先經Gold coast 黄金海岸, Hunter vally 獵人谷到雪梨然後到墨爾本,再經 great ocean road大海洋路到 Adelaide阿德雷德,每個地方停留一至二天,好玩就停多一天,我同佢講好彩佢地唔係去新西蘭自駕遊,否則我有些担心,因有一港人新春新西蘭南島自駕遊,發生汽車墮橋落海的交通意外,真係惨,魂斷異鄉.


呢條路線好多人喜愛走,因沿途有好多好靚的海岸線和海灘,酒庄,黃金海岸有幾個樂園,雪梨,墨爾本,南澳各有特色,不過呢條線我冇走過,我十多年前只開車走過大海洋路,自此之後己經冇開咁耐的長途車了,我都好佩服他,如此好的精神體力,我和他大家都未結婚前,一同去過幾次旅行,有一次從東京開車去神户,想一想原來已是三十年前的事了,冇法啦,歲月不饒人.

不合格的磨菇汁 mushroom sauce

舞獅表演

賭場內的餐廳

mushroom sauce

尋晚朋友約我到皇冠賭埸吃晚飯,他說有舞獅表演和抽獎,仲和有十元籌碼利是一封,不過我冇資格抽獎和攞利是,因為我不是會員,係人填份表都可以做會員,可惜他抽不到獎.

看完後便到呢間margo's 鋸扒.我叫的 scotch牛扒跟 mushroom sauce,牛扒重量大概是120 gr. 24澳元 ,扒還算不錯,夠嫩,不過呢個 mushroom sauce真係差,顏色既不好,味道亦不好.我第一次見如此差的 sauce.當然唔能夠同我見過的星級廚師做法相比,但也不能如此差,得閒我會教大家做一個 mushroom sauce,好牛扒配差的汁,眞是浪費.

有朋自遠方來

朋友比我的利是



朋友送比小兒小女的周大福一両庄金粒.



都唔知有冇攪錯?他們走之前的一天晚上,在我家吃晚飯,吃完話借電腦 check email  ,我們傾談到很晚,我才送他們回酒店,第二天早上我到酒店,送他們到機場,快到入閘口時,他跟我說有一封利是給我,二件小禮物給我兒女,放在客廳電腦的老鼠對上的位置,叫我返家時攞出嚟睇下.


我都唔知點講,他們雖然有錢過我好多,但如此做法,我不喜歡,帶他們去玩,請他們吃幾餐算甚么呢?大家都相識幾十年,為何如此做呢?

風生水起



風生水起



撈風生水起的汁醬,我想是用芥辣,花生醬,糖,醬油混合

發財元蹄

 

 

蜜汁和牛粒

紅運炸子雞

清蒸鮑魚仔

黄金蝦球 

年初一晚上朋友話想吃中餐,好的中餐都爆滿,只好去呢間,餐館的老細我認識,因常去飲茶,飲咗己有十多年,星期六,日都要等位,因點心算不錯.

晚飯還是第二次,對上一次差不多十年前,朋友都異口同聲話,味道算合格,但份量真係大少,睇黄金蝦球,同菜遠魚柳就知,魚柳得個幾片,蝦又得個幾隻,難怪晚飯冇乜人.朋友叫我同老細講,價錢不便宜,點解份量如此少?講セ呢?我估佢地晚飯要虧本,又冇婚宴酒席,只靠茶市補貼.

第一味冷盤叫風生水起,用三文魚切條加醬撈,朋友取好意頭喎,我都一樣祝大家風生水起.

.