Shepherd's pie

 先炒香洋葱蒜頭

 加上番茄,青豆, 適量糖,鹽,胡椒粉,

 薯仔煮爛做薯蓉

 舖上一層薯蓉,然後放入預熱200度焗爐焗10分鐘

前幾日見到羊肉大減價,買一送一,買咗二包,想起以前睇過鬼佬廚師朋友做過的 shepherd's pie ,呢個 pie 簡單易做, 方法如上,post 比大家参考,味道不錯,成日食中餐咪換下口味‧我用鍚紙盒焗咗二個,一個送比咗我的朋友,因為趕時間忘記把焗好的拍照.

港式奶茶



十字飽加牛油唔錯




前年去印度旅行時見個彫刻的本盒幾靚,內有大吉嶺紅茶葉,咪買咗帶返來



大吉嶺紅茶是印度較好的

睇到網友芬妮講南非復活節有食十字飽的習慣,剛好我朋友送咗幾個比我,以前澳洲復活節餅店都有十字飽賣,但後來愈來愈少店有得賣,只有 post 二個十字飽的相片就出貼文好似唔係咁好,雖然唔收大家的錢.不如加埋奶茶.

香港人平均每日飲250萬杯奶茶,我都鍾意飲港式奶茶,呢個冲奶茶的茶袋是我自製的,用衣架的鐵線加一片網紗,因香港賣的都是好大個冲茶袋,是比茶餐廳用的,而只有我一個人飲,用咁大冇個茶袋セ用.我用大吉嶺紅茶和朋友送的鍚蘭紅茶一同煲,煲幾分鐘後成間屋都聞到茶香撲鼻,通常我都是拉三次就算,拉多幾次就滑些,唔拉亦可,最緊要茶唔好煲太耐,因太耐茶味都破壞哂,變咗苦瀝.

最近呢幾年香港攪咗個金茶王大賽,澳洲雪梨去年都有派人去参賽,不過入唔到三甲,墨爾本選拔賽今年七月舉行,勝出者有免費機票,膳食住宿,代表墨爾本参賽香港國際金茶王大賽,我睇過佢地的賽制,所有茶葉,茶具都是大會供應的,無法自行買茶葉配制沖茶.

http://www.hktdc.com/info/webcast/v/tc/can/1X04BTYN/

Nasi Lemak



朋友上個月去吉隆坡玩時吃的 Nasi Lemak 椰槳飯

下 

 老薑

 洋葱,班蘭葉, bay leaf, 鹽

 再放椰槳

椰槳一定要和米攪混完後才加水

想起我朋友上月去吉隆坡玩時,他們到一間叫 Madam Kwans的餐廳吃咗 Nasi Lemak跟咖喱雞,即第一張相片,他說 Nasi Lemak很好味,而我在一馬來西亞博友 Lazy Panda 度留言,她說若我到吉隆坡玩,她帶我去吃一間排名第三的 Nasi Lemak.我想都唔知有冇機會再到吉隆坡啦,因吉隆坡己去過二次,不過點都好,衷心講聲多謝.

我都鍾意 Nasi Lemak 跟巴東羊肉同吃,我的一位馬拉廚師朋友以前教我整個 Nasi Lemak,我將造法貼出來比大家参考一下,呢種飯有椰香味,清淡的班蘭葉香味,跟咖喱雞或巴東牛肉 rendang beef 同吃,真的是不錯.

祝各位網友有一個愉快的復活節

演唱會

許冠傑情懐 90演唱會

 

葉倩文演唱會

梅艷芳八場演唱會,最後的一場演唱會,最後唱的夕陽之歌,梅艷芳有情有義,永遠懐念你



 

 

睇到網友 Stella 姐介紹徐小鳳演唱會的博文後,又使我想起在香港生活咁多年,只去睇過一次演唱會,己是20多年前的事了,坐位是紅磡體育館最便宜的坐位,就是最高最後的幾排,還要帶望遠鏡去睇.以前有好多人鬧為甚麼紅磡體育館不表演體育項目,只表演演唱會?

咁多年來我的幾位好友寄咗差不多成千隻 DVD和 Blue Ray碟比我,包括有中西電影,旅遊,而演唱會的碟大約有30多隻,可惜我廳的 3 D Samsung DVD碟機不能播放,因區碼不同,而我房的平嘢 DVD碟機,隨咗 3D 之外乜碟都讀到.

小兒小女前二日網上訂咗二張韓國仔的演唱會,是前排冇坐位的 VIP,慘又貴差不多每張200元,又要罰企二粒鐘,但佢地話可以近距離接近偶像喎.

Master Chef Australia

Master Chef  Australia

 

 

Master Chef Australia 厨神澳洲版,呢個電視煮食比賽節目有好多個國家的版本,有英國,美國,澳洲,大6等,上次有成7000多人報名参賽,節目每逢星期天晚上八時播出,据說收視不錯,上面的食物是上個星期天,一位勝出参賽者的作品,呢位鬼佬職業是會計師,二位評判主持說羊扒和蘋果批整得非常好.


以前我睇過幾次集港無線的一個叫美女厨房的節目,有位叫周中的廚師做主持,節目比我印象深刻是有班美女跟他學做煮菜,慘遭他糟質玩弄,我心想呢班美女因為未成名,只好焗住忍耐任由他戲弄,靚女們能屈能伸,好嘢.