防水相機

南瓜

蘆筍

秋葵

去年十月返香港時,買了一部 Nikon AW 130 防水相機,港幣$2500 比這裡還貴百多港元,不過我想反正錢是在香港股市賺的,取之香港用之於香港,算幫一下香港的零售業.相機買回來有幾個月,冇乜時間去影相,前天才是第一次拿出花園拍照,呢部相機像素1600多萬,防水深逹30米,又防撞擊,仲有全球衛星定位,我一按衛星定位的制,就出一幅地圖標示我現在的位置,連附近幾條街道的名字都列出,說明書更寫有本相機受到美國出口管理條例管制,出口轉口去古巴,伊朗,北韓,蘇丹和敘利亜要美國政府批准,好似有些軍事價值.

南瓜不經不覺都長得幾大個,若果二/三天冇睇,一見又大個佐好多大得好快,蘆筍又愈生愈多,數下已經有十一條,明年開始步入收成期,秋葵種了三棵,都有一個多月了,種籽是我在網上向雪梨一間種籽店購買,一小包內有25粒,連郵費澳元五元多,澳洲法例規定所有種籽都不能從外國帶入,包括郵寄,若果入境攜帶種籽,申報就充公,冇申報比佢地查出就好大鑊.

Chia 奇亞籽

奇亜籽原價39.95一公斤,減價後29.95

依家生意差好多,以前初開張時晚晚坐無虚設

奶茶加奇亜籽

本月9日請朋友兩公婆去吃晚餐,呢餐可以叫做開年的晚飯,他們每年來幾乎都會在這間酒樓吃一餐,因他們喜歡吃中餐,而且呢間酒樓靠近我家,開車只雖要幾分鐘車程,吃完後就到我家再吹水,然後才送他們回酒店,他們每年都買大量物品返回香港,羊油,衣服,鞋,其中以買 Chia 香港叫奇亜籽最多,今次買了8公斤,話夠兩公婆吃到明年再來時再買,他說便宜過香港,又不怕有假貨,仲話是天然健康食品.奇亜籽原產地是中南美,移種澳洲後,不知是澳洲生物科技好,或是氣候適應,依家產量是全球最多,他說兩公婆吃了這Chia奇亜籽多年,身体健康喎.

我老妻也有吃這種 Chia 奇異籽,有時仲加埋白米一起煮,變佐吃飯時奇異籽在飯內,完全冇絲苗茉莉飯的香味,只有奇異籽一粒一粒的口感,真係冇計,有時佢沖奶茶比我仲加埋奇異籽,我叫唔該啦,唔好再加啦,因我覺得呢種野冇乜特別功效,好多人當是神奇保健靈丹,其實均衡飲食,適量運動,心情愉快肯定好過吃乜野的保健物品.

http://baike.baidu.com/view/2730186.htm

歲月留香 陳皮

三刀開柑法

我家的柑樹己見開花

呢瓶內的柑皮有16年多,一打開瓶蓋就聞到一陣陳皮香味

呢瓶內的柑皮有五年多

前幾日朋友比了幾個他自家種的柑給我,柑好细個,重量只有80克但很甜,我家後花園也種有一棵柑樹,產量很少每年大約十幾廾個,可能兩旁有大樹遮擋,日光不足,有時朋友比些,有時見超市大造也買些回來,每次吃完後就把柑皮穿起哂乾做陳皮,理論上任何地方生產的柑,皮都可以做成陳皮,只要經過日哂,儲存,陳化之後就成為陳皮,廣東新會產的柑最出名,因果皮香油多些,陳皮是廣東三寶之一,用途極廣,可沖茶亦可做菜,如陳皮鴨陳皮燒鹅等,煮红豆沙加些舊陳皮味道完全不同.

幾個月前睇過香港一電視台的特輯講香港有好多人炒賣陳皮,新會仲有陳皮交昜所,我完全唔識呢個交易所的背境和操作,也不知道政府有沒有監管?更不知道交收風險如何,所以無法評論,而我自己製做收藏,只來自家食用,因為外面買的好多都是假野,有些無良奸商用普洱茶浸一段時間後哂乾,有些又用人工色素染製,作為舊陳皮賣,因為陳皮愈舊愈值錢,老表一向有做假的方法,加上技術優良,一般普羅大眾不容昜分辨真偽,所以買陳皮最好不要貪平,要去有信譽的商店購買.

四川菜

今天早上送我朋友到機場後,我同老妻講好耐冇吃四川菜,不如去越南街間川王府吃 lunch 啦,上次去己經是好耐之前,點知去到見關門大吉,焗住又要行過對面吃燒味碟頭飯,記憶中呢間開了好似一年多,翻查一下舊貼文,真係開了一年多,在多越南人聚居的地方開川菜想唔執笠都難咯,麻辣囗味不是好多人喜歡,反而有兩間中式酒樓捱了十多年還是不倒.

剛好上篇舊貼文有以前我同一位朋友 whats app 的對話,想起他也曾和我去過好多次旅行,他的老婆是四川成都人,去年我返香港時,有日和他一起吃午飯,見他冇帶他老婆出來,我順口問他你老婆呢?他說已經離婚喇,她返回成都,唉咁就玩完,男女感情的問題我不想理也不便多問,只知道他們結婚大約有十四/五年,好彩無兒無女.

http://ngwai.blogspot.com.au/2014/05/sichuan.html

花開

不知名的花

個多月前朋友同我講,佢家的後花園有幾棵野生的花已經長得幾大棵,問我要不要?要就掘幾棵給我,我說要,不過你唔好掘啦,等我得閒親自來掘,因為上次佢老兄連根拔起,又放在車尾行李廂成日,等收工時再拿來給我,可惜種唔生,今次只好親自出馬,把整株花小心掘出以免傷及根部再用小桶裝些少水,把整株花根部浸在水裡帶回家才移種在花盆.

呢種花不知叫甚麼名,正好過年呢段時間開花,而且開的红色花好嬌艷,祝各位網友猴年花開富貴.
http://ngwai.blogspot.com.au/2014/05/blog-post_6.html

St. Kilda 海灘

St Kilda 海灘

間中亦見到有無上裝,20多年前我見過一班日本仔見到鬼妹無上裝,就大驚小怪的大叫.

告示講明平日在海灘兩枝旗桿範圍外,和由十一月到三月復活節後,係冇救生員當席,遇溺是你閣下自己的事



上下行單車徑

澳洲最古老的機動遊樂場,隨了學校假期之外,平時只開五/六/曰

本月20/21日,園內有慶祝農厝新年活動,有舞龍舞獅,音樂,功夫等表演

澳洲最古老的劇院

這條船去塔斯曼尼亜航程大約十小時

呢條馬路再往前走不遠,就是下個月用作澳洲一级方程式格蘭披冶大賽,墨爾本站的跑車賽道

今日我早二個小時收工,帶朋友去市中心吃越式午餐,然後載他們去靠近市中心的 St Kilda 海灘半天遊,呢個海灘泳客不多,可能是最差,只因靠近市區,交通方便,在市中心坐十幾分鐘電車就可到達,事實上墨爾本好多靚的海灘,所以來的多是哂太陽和飲食,設有一條上下行的單車徑,有幾公里長,見好多鬼佬鬼妹係呢條單車徑踩單車,抬頭一望藍天白雲,迎面又涼風輕吹真係巧爽架.

趁今日新春頭,祝各位萬事勝意.

年宵

歌唱表演,有一年見女警又唱又跳



電車路



越南民族服飾表演

鮮搾庶汁每杯2元

越南小食,下層是糕上層加蛋

曰式小食

日式小食

收費5澳元

尋日小女叫我載她去我家附近的一個區叫 FOOTSCRAY ,離我家大約10公里, 唐人叫此區做富士貴,此區比較多越南人聚居,有好多越南餐廳同雜貨店,也有幾間中式酒樓,每年過農曆新年,越南人亦是同我們一樣過農歷年,大概前一個星期天都有一個類似香港的年宵,不同的是在白天舉行,通常早上10時多至晚上10時,跟著餘興就是放煙花,將附近的幾條街道和電車路暫時封閉,呢度冇年花賣,街道兩旁的攤檔多是賣小食,賣玩具禮品,亦有免費歌唱表演,付費機動遊戲和幸運抽獎,吸引好多遊人前來,最旺時人頭湧湧,水洩不通.

唔係好記得,大約六至七年前呢區的市議會為佐增加收入,美其名為改善交通,不理街道上的商戶反對,裝閉路監控馬路上停車上落客,違例罰欸60元正,免費停車場安裝收費錶,有次我停車在橫街放下老妻去買燒肉,轉個圈回來接她,點知個多星期後收到告票,話我在此區違例上落客,多謝60元,真係好嬲,十多年來相安無事,又不是在大街,只停在橫街窄巷咁都罰,只好以後唔再去呢區買燒肉咯,好多商戶大受影響,生意也差多,好多商戶將投票讚成呢個議案的區議員玉照貼在店的玻璃上,叫人認住呢幾位議員,下次不要投他們票,後來所有商戸聯同會館罷攪呢個元宵,此區變為死區,門前冷清,好多居民醒覺,最後用選票趕走冇用的議員,所有監控又拆除,停車場又變回免費,民主法治投票最大作用就是小數服從多數.