 |
 |
 |
| 訂位確認証明書 |
許冠傑今年八月來澳洲開兩場演唱會,先雪梨後墨爾本,墨爾本是他第一次開,他今年已經66歲,還有如此好體力開演唱會,我都買咗兩張票捧場,不過呢個主辨機構銷售門票的方法真係極差,不能網上預售,打電話預訂亦不接受,要本人親身前去交錢作實,個辨公室在市中心的唐人街,揾位泊車又麻煩,又貴,而且仲要等通知,要去多一次攞入場門票,因暫時未有門票,費時失事,真攞命.
他演唱的地點是皇冠賭場 Palladium 香港的幾位歌星,如陳慧琳,羅文都開過,我老伴同她的朋友都有去睇過,但我冇去過,她的其中一位朋友,是我一位好友的姨仔,大約十三年前,當晚睇完羅文演唱會後,話要留低跟人玩兩手百家樂,個晚是她第一次賭錢,贏咗千多元,輸錢皆因羸錢起,自此染上賭癮,不能自拔,有次我在街上遇到她,問她點呀?她說輸得傷,戒賭啦,可惜戒咗一段時間後又再去賭,最後連間屋都輸埋,夫婦二人要搬到她兒子那裡同住,真惨.
輸錢皆因羸錢起，我年輕時都試過跟朋友的貼士買重彩，中彩二千多元，結果再買輸凸！
回覆刪除20年前買六合彩中咗一萬二千多元三獎，結果再買又輸凸！
股票都係先甜後苦！
現在家徒四壁無得買啦！
財散人安樂！
Stella 姐，做乜咁謙虛？家徒四壁，我今年九月尾返香港仲想叫你請飲茶。
刪除賭錢最慘是上咗癮，變咗病態賭徒，不能自拔。
阿 Sam 的歌家傳戶曉，十分好聽。他的打雀英雄傳，更加生鬼！雖然我不常打牌，也感覺聽得有趣。
回覆刪除有些人沒有賭運，買什麼都輸。有句古老的俗語說：「幾時見過賭仔買肥田。」
阿姨，阿Sam 是第一位在紅館開演唱會的歌星，打雀英雄傳也是他的名曲，我都識打牌，不過十幾年都冇打過啦。
刪除賭字害人不淺。
咁奇？記得有個女同學去英國定居，臨別前，她說那裡的人最緊要的是”聚頭砌幾圈”，否則很悶。不過當時還未有電腦流行。
刪除阿姨，物以類聚，人以羣分，我係呢度識的唐人朋友都冇一個人打牌，所以咪冇打咯。
刪除記得我們姐妹學來是為了陪母親打幾圈，不過都係學啲唔學啲，不大懂計番。父親說：千祈咪出去同人打。可是老友叫到，都打過兩三次。究
刪除上文不知如何？竟然在尾後多出一個字。不知究竟為什麼？
刪除阿姨，我以前記憶力很好，學賭仲容易，學打麻將一下就識，一般人都唔夠我打，因他們打個乜牌我都記得。若果你得閒同自己人玩下亦無妨。
刪除看來你都好精靈！那時我們因為明知不會出去同其他人玩，所以才懶得學數番。母親更有趣，贏了不收錢。我們祇是喜歡打的過程，打的樂趣。
刪除記得我好奇跟大哥學十三張，首先把所有的要點寫下，當時很快就記得，差不多次次都贏他。 因此我奉勸他，自己拿牌來玩玩就好啦，千祈勿與別人睹。因為由此可見他是個沒有賭運的人。
佢布冇著豹皮舞衣呀?
回覆刪除賭100%唔好。一提賭字淚交流, 禍害牽連遍九洲; 誤盡世間人子弟, 為癡迷死不回頭。
Peter兄，唔知今次有冇著，因八月十日才開鑼。
刪除真係好詩，以前鄭君綿有首歌叫"賭仔自嘆"歌詞中有，從前知道係咁慘，唔使痞街頭。
阿 sam 近年少公開浦頭、就算出街唔包頭巾都會帶頂帽、無非想留個好印象給大家。講真、佢唱歌仲幾夠氣架！大概是緩跑有功吧！輸錢皆因贏錢起係啱架！在下也見過不少矣！
回覆刪除域 Sir, 我以前早晨見過亞Sam 在大埔河畔跑步，因他家住康樂園。
刪除千個賭錢千個賤，唔賭最好。
賭錢最恐怖嘅地方不在於輸贏、而係在豪賭之當時、輸錢亦是一種快感。如果條命仔可以押的話、一定會押一鋪。到咗賭無可賭時人便清醒過來、可惜一切已經太遲了！
回覆刪除域Sir，同意，我親眼見過幾個人賭錢輸到破產，未見過有人買屋買地。
刪除