 |
| 頭盤 |
 |
| 頭盤 |
 |
| 我點的牛扒 |
 |
| 朋友點的燒腩肉 |
 |
| 焗三文魚 |
 |
| 羊架 |
 |
| 日本仔式天婦羅炸西蘭花 |
 |
| 餐後甜點 |
 |
| 餐後甜點 |
尋晚鬼佬朋友又請我去吃西式晚餐,地點是希爾頓酒店,以前墨爾本有兩間希爾顿,另外一間以前去過兩次,自從去年關了門,從新裝修後改佐另外一個名字,不知道改了甚麼名字,到依家我仍未去過,而呢間就去過五至六次,有次朋友兩夫妻從香港來我請他們在這裡鋸扒,因為靠近市中心,坐位相隔寬闊空間多,而且價錢又不貴,食物質素不差,每天晚上有大批捧場客.
他前兩日打電話給我,話訂了檯仲約好了其它兩位朋一起吹水吃晚餐,我說唔想去啦,次次都是你埋單,佢話 C.Y.Leung (梁振英)請,你唔鍾意可以唔去,我係你老朋友你一定要來,尋晚我同佢講今日我短炒一隻港股賺了差不多三千港元,今餐我埋單請你們,鬼佬話三千港元唔夠,等下次賺夠三十萬元先再請喎.
牛扒唔錯啵！
回覆刪除Stella 姐，唔錯，算有牛肉味。
刪除聽你講股咁耐，我肯定你都唔止賺30萬咁少……而啲西餐看來不錯喎！
回覆刪除再講，唔知凱悅酒店仲喺度嗎？嗰時（89）好似還有間叫麗晶？
刪除Shu 兄，事實上股市賺錢真是一件不容昜的事，海嘯前組合試過一日賬面賺成百萬，可惜紙上富貴來得快去得快。
刪除呢間西餐以價錢來說都算幾好，週末滿座架。
麗晶冇咗好耐啦。
Wai兄、其實邊個請客都冇所謂、如果輪住請就更開心嘞。講起希爾頓酒店、以前我都好鍾意去光顧中環希爾頓酒店嘅龍船酒吧、地方唔算大、但勝在熟人多、吹起水來仲唔使抹嘴添。可惜九七前就摺埋咗、一切只能成追億矣！
回覆刪除域Sir，但是次次都是他請，好似唔係咁好咯。
刪除以前我也去過中環希爾頓的好似叫雀巢吧飲過嘢，去得最多次是行不遠的富麗華酒店頂層旋轉餐廳，因為我有朋友在那𥚃做Captain ，不過已經全部拆晒面目全非，往事只能成追憶。
Wai兄、講起富麗華我又想起裡面嘅流伶吧（70年代有班 Band 叫作 New Top Notes、陳潔靈是主音歌手、葉振棠亦是成員之一）在下也經常去捧場。依家一講就是幾十年了！
刪除域Sir，我都有聽過劉伶吧，不過我冇去過，歲月無情一眨眼就幾十年，好彩冇得睹物思情，因香港好多古舊的建築物幾乎拆得就拆，真係無奈。
刪除我是一個極度喜歡食生蠔的人~~~~~
回覆刪除鬼佬朋友真係好~不過又真係既..如果次次都係佢請都會唔好意思~明白!
靚女, 澳洲生蠔唔錯架可放心食,因無污染.
刪除鬼佬每年請我二至三次,都有成十幾年,佢係有銀,但次次都係佢埋單,我話唔去佢又嬲,我話今次我比,佢話好啦下次先啦,下次都係下次,無計
偉兄應該係幾肯幫人，所以老友多，請你食嘢嘅人就多啦。
回覆刪除