 |
 |
 |
 |
 |
| 見到火鳳凰就會想起網友 Stella 姐 |
 |
| 西湖大酒家 |
 |
| 呢間教堂有百年歴史 |
 |
| 教堂對面以前是一楝二層高的舊樓,二樓是一間唐人會所,內有麻將,牌九耍樂 |
今個星期三去唐人街簫氏機構攞左麟右李演唱會的門票,攞完後就順便用手機影番幾張比未來過墨爾本的網友睇下,呢度的唐人街比三藩市的細好多,只有一條街,以前都有唐人雜貨店,賣下唐人雜貨,不過執哂好耐,依家只有幾間中式酒樓,日餐,馬來餐和一間唐人西餅店,禮品店等.
| 十多廾年前有一次朋友叫我去唐人街西湖大酒家吃宵夜,我都冇吃宵夜的習慣,剛好是第一次,吃就吃啦,吃咗冇幾耐就見到影星洪金寶,成龍,元彪等人進來吃宵夜,成龍是我第二次見,佢一向鼻大,睇唔起人,佢個頭同眼只望著天花板,反而洪金寶仲微笑同我地點頭,成龍呢幾日比佢個衰仔祖明攪到一頭煙,自己本身是禁毒大使,呢次比個衰仔破埋個招牌. 唐人街有二間教堂都經過百年風雨,到今日還在,圖片上的教堂,30多年前每逢星期天都有一位唐人牧師用大聲公大叫,各位朋友鄉里,想到天堂的請來這裡,想賭錢落地獄就去對面,不過想去天堂的人少,想去地獄的人就多. |
我在88～89年曾在墨爾本生活過半年，亦喺St.Kilda Beach 做過事，而令我難忘的就在這個海灘看到幾個無上裝少女......
回覆刪除同時我也常去唐人街，有次撞到杜平（唔知你知唔佢係乜水）和李香琴，那時我間中會在星期六晚做兼職樓面，因為我老表親家開酒樓的，叫國際酒樓，不過在90年就賣了盤。我也有去越南街 Victoria street ,那裡的環境真的好像越南，有金鋪有越南酒家，但通通都比唐人的差，很古舊⋯⋯
Shu 兄，依家無上裝都冇人覺得驚奇，依家好多沙灘都有。杜平我見過佢一次，唐人街的一間日本餐廳佢有些股份。唐人街好多餐廳執完又開，開完又執，有些一年半載就摺埋，西湖算襟捱啦，你講的越南街是在Richmond 我都有成三年多冇去。
回覆刪除「見到火鳳凰就會想起網友 Stella 姐」真係太感動了！
回覆刪除看見唐人街中文正字感到很親切！
一個衰淫蟲出名，個仔又黐埋毒品，個女人真係難頂！
Stella 姐，冇錯，做佢的太太真慘，雖然佢話已經將所有遺產改晒佢太太的名，咁又點？分分鐘佢仲長命過佢太太，更重要是呢個世界隨咗金錢之外還有好多嘢是值得珍惜的，但佢永遠唔會明白。
刪除ng Wai 晚上好,
回覆刪除相片睇嚟唐人街都好冷清喎，
華兄，唐人街平常日子都唔會好多人，好似農曆年的前後，有成條街的攤檔擺賣，同埋舞獅舞龍就要封幾條街，人山人海插針不入。
刪除上次雪梨奧運，聖火經過唐人街亦人頭湧湧。
偉兄，聽講全球最長的一條龍係喺墨爾本喎，唔知係唔係呢？
刪除Shu 兄，絕對正確，過年舞呢條龍最少要200人，全都是做義工。
刪除見到第四張相右面有幢樓宇，二樓外有個招牌寫著「大長今」，不知裡面是什麼東東？
回覆刪除亞姨，我唔知道，但我估是新開的韓國燒烤，因為有英文字母BBQ 的招牌，揾日都要去試下。
刪除有些人頭大冇腦、一朝得志就冇大冇細、就咁踩親人都唔知、佢個仔賣歡「火麻仁」早就通天、人家今天才整佢、目的係老子、而唔係小子。
回覆刪除域Sir ，我估都係啦，睇蘋果日報話佢之前攬住一位解放軍中的靚女歌星係咁鍚人的面喎，其實食些少大麻草算得乜呢？
刪除唐人的保守百年不變, 馬路真是太窄喇! 一看便知那是唐人出入的地方, 感覺是到處的格局都一樣;
回覆刪除謝謝你詳細介紹啊!
Candy 姐，對的，落杉磯的唐人街都是一條長街，不過就闊過呢度 。
刪除我都好討厭那位「繩聾」, 一天都晚舉個V手勢扮正派。查實同好多唔見得光嘅野有關。今次房東事件令佢一鋪清袋, 心涼!
回覆刪除Peter哥，我之前有講過佢老兄，因為自少家貧，生父又將他送比人養，養父又將他送去于素秋老豆于占元處學北派武打，一唔聽話就捱打，養成自卑心態，一朝得志咪睇唔起所有人咯，最冇品又擦大6佬鞋，話中國人要比人管的，美國是全球最大的貪污國，你話佢係咪低B ？
刪除想问 你系咪网上购票再去拿票嘎？？
回覆刪除若果網上購票座位冇得揀，任佢地在那個價錢範圍內比個座位你，訂好後會寄給你拿，若自己去買就可以揀座位咯。
刪除見到黃鶴樓的照片好有親切感, 我第一天到達墨爾本就係食佢, 結論係"拉姑誤進黃鶴樓, 唯見荷包眼淚流" XD
回覆刪除呢間冇去過，睇過餐廳個名就知係外省菜，又位於唐人街，多做遊客生意，若果我要吃外省菜，不如留番返香港食。
刪除