今個星期二去皇冠賭場內的一間餐廳叫 Margos 吃午餐,對上一次去是七個月前帶香港來的朋友去,因皇冠賭場最近每天在電視賣廣告,一客午餐$13.95仲可免費泊車五小時,我泊咗車後,先坐電車去中國簽証中心辨理大 6簽証,然後回來呢間吃牛扒,唉呢塊 porter house 真差,太生又多筋,完全咬唔入,我老妻叫我投訴,算啦咁平,而且我都唔係一個唔係好鍾意投訴的人.
想起30多年前第一次在日本神户吃燒牛扒,亦是唯一的一次,個種牛肉味道濃郁,牛肉的雪花簡直完美,入口即溶,到依家一想起還流口水,以前日本仔的和牛都唔知有冇 BMS 即雪花度數,1至12級,神户牛最少要六級以上,神户牛是日本仔三大和牛之一.
日本仔和牛
http://www.buedelmeatup.com/2012/12/04/the-difference-between-kobe-and-wagyu-beef/
太生又多筋，點食呀！其實我少少生都唔敢食架！
回覆刪除Stella 姐，半生熟還可以，如此生的就真難吃，若果投訴有代用卷比可以留番下次吃，不過我冇。
回覆刪除偉兄，照看那塊牛扒的生熟度，在我那年代並不是叫med-rare( 三成），而係叫rare(生）。
回覆刪除那時一般會用WD, MD,M,MR,R之分，即是全熟、八成、半生、三成及一成左右的生。
我知澳洲有Angus 牛扒，其它也有等級，有啲是平價貨，在我這邊好多時賣不到二十元kg，有時試過十五、六元就買到，真抵食！
Shu 兄，呢塊牛扒點可以叫 medium rare ？雖然插咗支旗仔叫 medium rare ，但肯定做錯，鬼佬都唔會食咁生的牛肉，只有日本仔的一個餐前盤叫生牛肉，牛肉就是煎二面一下，加醬油加醋最後加芝麻，同日本仔喜歡吃魚生一樣，不過魚生，龍虾刺身我都唔鍾意吃。
刪除澳洲的安格斯牛扒做大減價的時候真係好平，頂級的才30多元一公斤，只有雪花和牛最貴。
ng Wai 晚上好，
刪除牛扒太生喇，唔敢食，我食牛扒要全熟，魚生、龍虾刺身都係免喇，食生肉有風險。
華兄，對的，魚生龍蝦刺身真係有風險，尤其是依家海水污染厲害，少吃為妙。
刪除Wai 兄、如果呢單 case 落在鬼佬手上、相信一定會砌到盡。講起架仔雲花牛的確係極品、不過高麗那邊的也唔錯架。有機會不妨試試啦！
回覆刪除域Sir，我有鬼佬同事就最鍾意投訴，通常投訴咪換過一客，或者比番張現金代用卷。
回覆刪除韓國仔的燒烤試過幾次，香港有邊間好嘢介紹嗎？
你真會食呀! 神戶牛同這個價錢比...梗喺食唔到囉! 賭場的食物喺咁上下喇! 如果又淋又滑咁嘅價錢, 咁就真喺要枇清楚先食喇! 一定喺做咗手腳啫!
回覆刪除Candy 姐，正式神戶牛扒在美國餐廳吃，一塊最少要200美元。
刪除呢塊牛扒除咗太生之外，還有好多筋，可以要求換過一塊，不過咁平就算，剩係泊車費都要20幾元啦。
魚生我不敢吃，牛肉更少吃。見人人都喜歡吃生蠔，就覺得好笑。試想 : 每一隻蝦在煮之前都要先挑去蝦腸，才吃得安心。可是人人吃生蠔，都把一團黑色的骯髒內臟一同吃進肚子裡，是不是好笑？
回覆刪除阿姨，香港的生蠔就不要吃，因香港海水污染，若果澳洲塔斯曼尼亞的就好些，因監控嚴格，至於蠔的內臓照計可以吃，因為蠔吃的是海水中浮遊生物。
刪除