吳哥古城

吳哥古城南門入口

小型車輛可自由進出

維修進行中

高棉微笑

塔普倫廟

大吳哥窟正確叫是吳哥城,一般遊客都是由南門入,北門出,因為城門细少,較太的旅遊巴不能内進,我們要下車步行入城,過城門後再換小型旅遊巴,見到好多自由行的人都包部小型旅遊車內進,城內的路上見到極多小型旅巴,車來車往,天氣己經非常熱,加上汽車廢氣,污染環境熱上加上,亦見到有好似如印度用的大象,象頂上有坐椅載客,大象又冇用屎袋裝著糞便,痾到到處都是象屎,雖然見到有些國家捐錢幫助維修,落後國家始終不識管理,如此真貴的世界級文物,比班友胡攪,遲早玩完.

城內最具特色的算是巴戎廟 Bayon內的幾個大型彫刻石像,叫高棉微笑和塔普倫廟 Ta  Prohm因大樹纏住,老樹盤根外露,導遊講香港電視台的謝霆鋒來這裡拍過一特輯,不過我冇睇過,仲有荷里活一套電影也是在這裡取景,但我亦冇睇過,唉只見呢兩個景點大量表叔表嬸爭位取景,原來吳哥古蹟一早己經比老表攻陷啦,老表們真好野.