 |
| 法國靚女教練 相片中顯示的時間是墨爾本時間快馬爾代夫五小時 |
 |
| 小女背負氣樽話好重 |
 |
| 黃色的呼吸器是救援人救你時用的 |
馬爾代夫每個度假村都有水上運動中心,差不多大部份都有 Scuba Diving 水肺潛水,我和小兒小女是第一次試,以前直覺潛水好容易學,識遊泳就掂,事實上是不容易的,以前睇過台灣著名女小說家三毛的一本書,撒哈拉的故事,她的丈夫西班牙人名字叫荷西,是一名專業潛水員,很不幸在一次潛水操作中意外身亡,而我以前在香港炒股証券行老闆的女兒也是持有PADI証書的潛水員,也是在一次潛水意外過身,每次想起都有些害怕.
報名參加水肺潛水,不是你話想報名就報名,法例規定若果24小時之內要搭飛機是不準參加,有高血壓,心臟病亦無缘參加,報名後先要上堂大約30分鐘,有講義播放一段簡單錄影片段,教水中動作的手勢,有一個红色的按制,若有緊急求援就按,穿上潛水衣後在腰間綁上有三至四條鉛塊的腰帶,作用是增加身体重量向下沉,左手邊有一條喉連接著潛水衣和氣樽,有兩個按紐,一個加氣一個減氣,想向下就按減氣,想向上升就加氣,初學者最深只能潛到12米,我只潛到8至9米就感覺辛苦,換氣困難,雖然有法國籍靚女教練在我身旁拖住我的手,她知道我係有些怕,小兒小女潛到12米仲話可潛深些,不過教練唔準喎,想起當日有另外一位德國籍教練問我認不認識 Allan Kwok是香港電影明星?他教過他潛水,我說不知道,後來小兒話我知是郭富城.
記得我的表妹在外國試過潛水,她說經驗難忘。相信你們都玩得很開心。我在泰國不敢讓女兒去玩。
回覆刪除阿姨，係呀，海洋世界五彩繽紛好容易會玩上癮，唔怕架試多幾次就掂。
刪除因好奇試過1次,落到海感操作因難,不敢再試了.
回覆刪除係呀，我同你一様感覺操作換氣困難，因為習慣了用鼻呼吸而要改用口，所以要學下，小兒小女可能後生，一下子就習慣了。
刪除香港女藝人也曾在潛水後失聰。
回覆刪除Stella 姐，你講起藝人，又想起一些，所以補充在上面的博文。
刪除因為在水底下壓力不同，停留愈久上升要愈慢，經驗不夠而快速上升身體氣官減壓不足，會受到損害。
郭富城好似唔係叫Allan喎！
回覆刪除今次Wai兄這幾回的日誌十分精彩，真可以講上天（搭水上飛機）下海樣樣都介紹詳盡，使我又學到很多嘢呀，謝謝分享！
Shu 兄，我唔識郭富城英文名，拼音有可能是Aron 。
回覆刪除係呀，上天下海都是第一次試，本來想揀間五星級的度假村，設有海底餐廳，想在海底鋸扒，不過因為太貴銀両不夠，只好㨂間四星替代。
Google 咗係叫Aaron 喎
刪除Shu 兄，啱咗，我都冇聽過佢的歌，好耐以前睇過一單新聞是他的同胞大佬開金鋪，有賊人持槍打劫，佢大佬同劫匪肉搏，不幸比賊開槍打死，唉咪由得佢地搶咯，反正有保險賠。
刪除我去旅行一定買全保，買零墊底費個種，保費是貴萬一有事發生，好似銀両比人偷劫都有幾百美元應急。
Wai兄、能潛入水中觀看水中世界是件精彩的事。在下年青是也十分喜愛潛水、當時香港海大部份水域尚未被污染、海底世界真係靚到連我啲仔女都唔信架！
回覆刪除域Sir，以前我夏季去淡水灣遊水，當時由浮台潛到底，見到水青沙幼，成30年再冇去過，都唔知水清唔淸。
回覆刪除真正內容豐富。有趣聞。可觀賞佳作
回覆刪除