大約卅年前有朋友約去我馬爾代夫玩,講真的當時我都唔識呢個地方,打聽後才知道去馬爾代夫玩幾天的費用仲貴過去歐洲玩三個星期的費用,所以我選擇去歐洲自由行,以前馬爾代夫冇開放民宿,去渡假島要搭乘直升機,當年冇水上飛機,其實搭直升機或水上飛機一樣咁貴,只不過水上飛機舒適寧靜些,和可搭載多些乘客,度假島所有消費計美元,不是我等打工仔負擔得起,大約幾年前馬爾代夫開放民宿,旅客可自由揀選,豐儉由人,頂級的渡假島一晚幾萬港元也有,便宜的民宿三幾百港元亦有,揀一些靠近首都 Male 馬累市的居民島,坐本地人的渡輪來往,更可省卻昂貴的水上飛機或快艇費用,民宿吃住便宜,只不過交通往返比較轉折麻煩.
Male 馬累市冇乜景點,最有名的算是回教寺和魚市場,那天我們去到回教寺冇開放,步行去魚市場對開的碼頭,見到泊了好多漁船,放滿地上都是大條的金槍魚,亦有石斑,我見到有本地人買一條金槍魚,等候漁夫幫他買的魚去皮去骨,順便走埋去和他吹下水,問他咁大條金槍魚要多少錢 ?他說折算美元大約20元,石斑就6美元左右,如果我買的話價錢就不一樣,可能貴一倍至二倍,唉這種事在落後貧窮的國家司空見慣,記得有次在多明尼加買野時,問多少錢?年青人講完價錢後,佢老豆鬧佢蠢,話對我開本地人的價錢,佢老豆以為我唔識聽西班牙文.
可能呢啲金鎗魚不是最好又或他們不懂處理，亦有可能此地政府對海域保護很強，否則日本人必定會來這裡搜捕……
回覆刪除據我所知紐西蘭也常常發現有日本漁船非法作業！
Shu 兄，梗係普通金槍魚啦，即呑拿魚，鬼佬只拿來做罐頭，若果頂級藍鰭大條二百幾公斤以上的，在東京築地魚市場隨便都賣到幾萬美元一條，日本仔魚生中的極品Toro 就是呢種魚的肚腩，不過我唔食魚生，我一向對日本仔食物冇好感，只欣賞日本妹。
刪除呢種是幾公斤重的普通貨色，我們住的度假島每天都有呢種魚供應，不是做魚生是當扒一樣煎熟。
日本仔過量濫捕，又偷偷去人家水域作業，藍鰭金槍遲早絕種。
石斑好食喎! 在電視見到香港的食肆老闆去日本的魚市場買藍鰭吞拿魚，都係要搵日本的本土人出面代買，才可以買得到。
回覆刪除阿姨，石斑魚好新鮮，清蒸就最正。唔係你講我都唔知原來在日本買藍鰭吞拿要搵本土日本仔代買，我只知道是拍賣，價高者得，我以前去過東京好多次，不過我都唔鍾意食魚生，所以冇乜留心要本土日本仔出面代買。
刪除以前爸媽都喜歡食魚生，但我就一直都不敢食。
刪除阿姨，魚生最好唔好食，因附有太多微生物，日本仔跟wasabi 同吃，因有些殺菌作用。
刪除「日本仔過量濫捕，又偷偷去人家水域作業，藍鰭金槍遲早絕種。」點止呀！鯨魚都就黎俾佢嘅殺青！
回覆刪除Stella 姐，啱架，鯨魚都快比日本仔殺到絕種。
刪除Wai兄、這個市雖然景點不多、但可以體驗當地人生活也是樂趣吧！
回覆刪除域Sir，啱架，週圍行下食下嘢，算是體驗一下當地人生活。
刪除