 |
| 四月尾播種西蘭花 |
 |
| 發芽成功後忘記噴殺蟲粉,嫩葉幾乎給蟲吃掉 |
 |
| 用呢種殺蟲粉酒在嫩葉上,每星期一次,大約洒上三至四次 |
 |
| 今日下午出花園看見生長得唔錯 |
 |
| 已經開始見到西蘭花 |
今日下午放工回家後,睇新闻香港剛解除8號風球,因為是下午十二時後才解除8號風球,金融市場依例唔開,冇股票期貨可炒,無事可做,講真的我炒股炒期貨水平實在太差,不是我自己謙虚,相反我做人處世,由细到大從不謙虚,有人話我輸得多自卑變自大,乜都唔識隔山買牛唔輸純屬好彩喎.
趁得閒不如出花園看看自己種的西蘭花,香港都唔係好容易種西蘭花.最近成日下雨,唔使淋水,想起淋水,又使我想起以色列人獨步全球的滴灌淋水科技 Drip Irrigation Technology 將一條水管開一小洞埋在地下,將水和肥料混在一起,通過水管滴水在根部,計算根部每天需要幾多水,可節省大量用水,其實淋水在菜葉和泥土上的範圍,都是浪費水資源,以色列地處沙漠,天氣乾旱,一年只有30天下雨,香港打場風的降雨量差不多相等於以色列全年的降雨量,雖然缺水但以色列出產的鮮花可以出口到鲜花王國荷蘭,水果疏菜出口到欧美,如此多產量就是全憑呢種滴灌科技.
以色列的科技當然很不錯啦，唔使睇邊科，淨係講打仗就冇幾多個敵對國家夠佢打！
回覆刪除Shu 兄，冇錯呀，一個國家亡國2000多年後還可以復國，除咗猶太人之外實在搵唔出仲有邊個國家。
刪除原來以色列人呢個科技咁堅嘅！
回覆刪除Stella 姐，以色列人仲有好多嘢好堅架，全球以人口閲讀書本計最多是以色列人，諾貝爾獎得主有108人是以色列人，可以說雄霸天下。
刪除以色列真係好叻，我為佢寫過幾篇文章，一個懂得感恩的國家，世界罕見。
回覆刪除km 兄，尋晚睇過啦，只有兩篇，一篇十誡，一篇上海猶太人，寫得好呀。
刪除Wai兄、在下從來都唔相信運氣呢家嘢。有好多人日日就地落注都損手爛腳、隔山打件唔輸、點會係好運？不過人家愛這樣說就由他吧！
回覆刪除域Sir，真係要請你飲茶咯。
刪除原來一向受到逼害的猶太人是這麼聰明，怪不得歷來被打壓了。
回覆刪除阿姨,猶太人真的是很聰明,叫自己是上帝的選民,一向自示甚高睇唔起其它民族.
刪除看到你種西蘭花成長的相片都替你高興! 我種蕃薯但有蝸牛為患 ...
回覆刪除以色列的灌溉技術很厲害啊!
蝸牛為患？你可以去買一隻澳洲出產的農藥，細長條粒狀，灑在附近蕃薯四圍，蝸牛一爬過就瓜得。
回覆刪除不止灌溉，以色列的農業科技好高超。