我們一家去埃及旅行是跟康泰團,大約是八年多前,此團留给我好多回憶,因為全團小朋友只有小兒和小女,年齡最細是小女,團友中有兩對夫妻和一對姐妹都冇小朋友,他們都特別喜歡小女,沿途他們跟小女玩,團友中又有一位剛退休亜叔,單獨參團,小兒每天跟他聊天問長問短,而我老妻又跟其中一位單身女性團友吹水,我一個人悠然自得在尼羅河遊船上睇書,本來帶佐一部手提電腦,以為旅途中可以上網睇下財經和股價,點知埃及比想像中更落後,沿途包括酒店在內都冇 wifi 冇得上網.
康泰旅行社服務算唔錯,團友中有一位女仕和小女生日,只相差一日,康泰都有送上生日蛋糕,我跟過香港的幾間旅行社就欠奉,仲有兩餐中餐,埃及有中餐吃真係好,雖然味道冇香港咁正,不過尚可接受,講真的埃及餐真的不敢恭維,我妹在香港買佐好多零食和杯麺比我,在旅途中给小兒小女吃,臨玩完回香港的前一天,其中有一位女團友叫我讓一杯給她做早餐,因她帶來的都吃光,我就送一杯給她,後來我老妻講比我知,她前後來過埃及三次,在稅局任職主任,年過四十還是雲英未嫁,仲問有冇未结婚男性介紹給她?她在將軍澳有自置物業,條件比她低的她想也不想,條件好過她的,又不會要她,正是低不成高不就,加上她的樣貌又不太漂亮,都幾難搵咯,唉人生好多事情都是無奈的.
偉兄，唔知點講，有些地方我真不想去，即使是我年輕時候，比如你說的南美，又或中東以及一些非洲國家，想起就感到有點受難。
回覆刪除但畢竟偉兄去的地方多，見識廣，我相信你在旅途時候必定成為眾人的領頭羊，你知我講甚麼啦，因你可告訴他們很多各處新奇的旅行見聞！
哈……我亦有同感*^O^*
刪除哈……我亦有同感*^O^*
刪除Shu兄,路霸兄,大家好,
刪除我有乜見識呢?只不過鍾意旅行,加上從未去過咪去玩下咯,中東非洲多戰亂,確實不是講求舒適旅遊,嘆世界享受的好地方,只能列入另類旅遊,我早年去還好,依家仲危險.
兩個小朋友騎駱駝真好玩，我騎駱駝心驚驚！
回覆刪除我去埃及不用帶杯麵，因為我的食量不大，而且旅行社提供食物足夠。我沒有中餐吃，也不介意，因為相信佢哋做中餐未必好！我不是要求高，是順得人而已。
Stella 姐,我老妻坐上駱駝後,駱駝一起身,她就大叫,好驚要下來,真係冇用咯,只好用腳跟我們三人尾行.
刪除帶杯麵是我妹買給小兒小女,怕他們唔習慣食埃及野,個餐中餐算係咁,其有一味叫茄薯仔片炒羊肉,,味道最好,你睇個碟吃清哂...
偉兄這輯相真係好精彩！埃及是古都，值得一遊。令郎和令千金好開心！騎駱駝和坐馬車，是很難得的機會。
回覆刪除我在北京的長城下亦坐過駱駝，在深圳亦騎過兩次馬，不過，遺憾未曾坐過馬車。
阿姨,真係好多謝你欣賞我的照片,我唔識拍照,而且好多時都忘記拍照,拍番幾張有得交差,曾到此一遊就算啦.埃及文明古國,歷史文物眾多確是值得一遊.
刪除近年埃及旅遊區嘅治安
回覆刪除時有所聞
不太穩定
一哥,自從幾年前獨裁者Mubarak被推翻後,埃及政局和治安都非常差.
刪除埃及以列為一級旅遊危險，
回覆刪除很少人敢去，亦無團開，
菲律賓亦一樣無團去架，
康泰以前幾好架，
但近年由黃士心個仔接手後大不如前，
接手當日就喺馬尼拉人質事件，唔信運都唔得
接著啲團意外頻生，
一代不如一代╮(╯_╰)╭
路霸兄,我唔知埃及,菲律賓列為一級旅遊危險,你說得對,參加完埃及團幾年後再參加印度團就發覺食住都不好,印度住的酒店好差,可能將货就價,自始以後冇再參加,依家成日收到佢地的推廣電郵.
刪除埃及我覺得古蹟風景都真係唔錯嘅,但食就麻麻地!
回覆刪除同團友夾得來就特別開心啦^^
Gael 兄，埃及歷史悠久，文物古蹟多，值得一生去一次。
回覆刪除我跟圑多是跟圑友夾得來，因為我本人一向唔奄尖，極少投訴，而且多是遷就別人，反正出門旅遊是尋開心，何必事事斤斤計較。
Wai 兄、在不覺得埃圾金字塔和其它巨形塑像很有氣勢、但域嫂卻說遠觀有神秘感、近睇一巖一窟、還不斷投訴天氣又晒又乾燥、所以佢話冇第二次喎！
回覆刪除域 Sir,對呀,金字塔遠睇有氣勢,近睇好似冇乜特別,排隊入去仲激氣,完全冇野睇,埃及中午真係火熱,我老妻最帕熱,佢都話一次夠下次咪搞啦.
回覆刪除