睇屋
 |
| 屋前的花園 |
 |
| 走廊寬闊 |
 |
| 開車十多分鐘有一個商場 |
我鬼佬行船朋友尋日下午帶我去看他已交了訂金的一間屋,屋地總面積大約三千八百多呎,四房兩廰,開放式廚房,冇後花園,下個月交吉,間二手屋屋齡六年,離市中心30公里左右,港幣三球多些,他今年51歲,銀行只肯做14年期的借貸,首期要四成,他每月的薪金還少過我,但他在比利時布魯塞爾有間屋,在這裡的一間已供滿,上個月換新車,前幾日又買呢間屋,他有些地方和我相似,如炒股票,不煙洒,不賭,佢只靠打工和投資,能夠儲蓄到買幾間屋,都算有本事,不過最大原因是冇家庭冇小朋友.
此人一向自視甚高,只佩服叻過佢的人,佢成日話我叻過佢,唉我都唔知自已有乜叻?不過有些時間都覺得自已叻過佢,他在布魯塞爾有間屋,我在香港亦有一間,他每年去一次旅行,我都係每年去一次旅行,不過他只買一張机票,而我就要買四張,而且我仔女跟我去過十幾個國家,顺便擦下自已鞋.
墨爾本的房價中位數,十多年來升了二倍多,不過工資就追不上,通漲蠶食哂購買力,不過好彩澳洲有税務優惠首次置業人仕,而且法例规定非居民不能購買二手樓,否则大量土豪老表湧來,不問價係咁炒,炒到天價為止,咁就慘啦,香港政府出好多辣招都不能控制樓價狂升,最大原因是錢多話事.
全世界樓價狂升.身共感受.奈何?
回覆刪除Peter兄，全世界都升，不過香港升得太過份，對炒家來說就是好事，對用家來說就慘。
回覆刪除偉兄的朋友間屋雖然無後花園，但屋前都好似個花圃。距離商場不遠，購物真是很方便。有四房兩廳，真好啊！
回覆刪除恕我孤陋寡聞，請問什麼叫做三球多些？３億？３千萬？３百萬？30萬？呵呵，不懂，不懂。
偉兄能帶兒女去過十多個國家，真本事喔。
Wai 兄、有很多香港人身在其中視野倒不及你、冇錯香港樓價難以控制確係錢多話事。但呢個世上又有那裡不是錢話事呢？如果人人都明此理、就唔會跑上街頭亂叫亂喊浪費氣力、而係踏踏實實去搵米路架喇！
回覆刪除域Sir，有人話香港社會有病，我個人感覺，跑上街上亂叫亂喊浪費氣力者皆是弱勢社群，對他們只能寄予同情，無法啦，呢個世界弱肉強食。
刪除亞姨，一球即一百萬，澳元跌倒亞媽都唔認得，咁大的花園洋房連車房才三百四十萬港幣，今日聴新聞美孚新村有層樓天價賣出，呎價一萬三千多元，真係無語。
回覆刪除因為我喜愛旅行，以前仔女年紀細少，又不放心留下比人照顧，咪帶埋一齊玩咯，他們跟圑旅費和貼士同我們一樣，大少同價，所以都很傷。
美孚啲樓有些是前期起，有些是後期起的。呎價如此高，真係叫人吃驚！
刪除若去旅行家中孩子的確是放不低。我也曾帶著兩歲的小女一起三人去旅行。
亜姨,我記得小時候去過荔技角的海灘遊過水,當時的美孚全部是儲油庫,轉下眼差不多半個世紀.
刪除小兒九個月大就跟我們去旅行,又要帶奶粉,帶尿片非常麻煩,到小女三歲多時帶她返香港見我母親,去旺角人多車多,又熱又焗,一步都唔肯行,要我抱,抱到手都痛.帶太细少的仔女去旅行,大人小朋友都好辛苦.
那次我一家三口作的是半自由行。事前請中旅社代辦交通住宿，到每一個地方都有人來接應，代拿行李，用私家車載去旅館。
刪除在當地的旅館可以參加當地或是到附近的旅行團。只是自己乘地鐵去天安門故宮的那次，因為地方太大了，小女兒常要爸爸抱著，他真是辛苦極了。
最叻是你對仔女，有個本事爸爸，幸福的家庭！
回覆刪除Stella 姐,叻乜?有乜本事?不過生活舒服些,不用愁兩餐.你真係相信我去過幾十個國家?但有些盲毛話我吹水浮誇老作去幾十個國家,仲話我唔識炒股喎,只識抽水.
刪除屋價高對香港高官及權貴而言，是利多弊少，起碼荷包漲咗咁就唔理得咁多！
回覆刪除Shu 兄,对的,香港高官是全世界最高人工,但做的野是全世界最少,樓價高有财富效應.
刪除ng Wai 晚上好
回覆刪除在澳洲三百幾萬港幣就有間三千八百多呎,四房兩廰嘅屋,真係恨死隔離囉,在新界都只能買到一間三百幾呎嘅二手屋,
華兄,早上好.
刪除澳洲地大,若果買再遠離市區的一些新區,百多萬港幣就得啦.冇法啦香港不能用太多辣招打擊樓價,
仲以為你買既ＴＩＮ／／／／／／／／／
回覆刪除靚女,如果你肯借錢比我,我就會立刻去買.
刪除鬼佬自視過高
回覆刪除只結識叻過佢嘅人
或者佢希望做到物以類聚
唔知道天外有天
人外有人
一哥,此君真係叻仔,叻過我好多,我講有時叻過佢,只不過自己讚下自己,他在全世界公認最頂級的一條郵船做助理總廚,船上月薪多過岸上好多,他能說流利法文,英文,母語是德文,剛好我又識幾句德文.
刪除約三千八百多呎,四房兩廰===>如果一個人住會唔會空洞得滯?@@
回覆刪除Gael兄，佢租比人住收租代供樓，若果自己一個人住，初開始會有些如你所説，有些空虛感，不過習慣咗就冇乜嘢。
回覆刪除偉兄；
回覆刪除拜讀你多偏的著作，內容豐富有趣，請問圖中的樓宇位於墨城那區，以這樣的大少，大部份已過百萬澳元。
蔡