 |
| 呢盆蘭花已經種了超過十年 |
 |
| Pine bark松樹皮供蘭花用,換盆時將舊樹皮丢掉,換入新樹皮,大約一年左右換一次 |
 |
| 膠盆底部用電鑽開多幾個窿,方便排水 |
 |
| 將蘭花倒出,枯枝爛根修剪 |
 |
| 大致可分為三至四盆,每盆幾根就掂 |
 |
| 將舊樹皮掃走 |
呢盆蘭花唔知叫乜名,大約種了十年有多,一堆花中一枝開花,每枝開花六至七朵,開的花好细朵但好香,真係好香所以蘭花有王者之香,花香不在多,成個棚架都聞到香味,而且更是純天然的香味,仲香過巴黎之夜的香水,我都唔知巴黎之夜的香水乜野味,是我朋友有次來我家聞到後大讚好香時講的.
我前後已經分盆移植過幾盆,每次都是送比朋友,但他們全部都種瓜哂,更不要想它們開花,聞一聞它們的香味,我想最大原因是他們好似種菜一樣,每天淋水,排水未完又淋,根部多水浸爛,想唔瓜都幾難,蘭花根本不用每天淋水,夏天天氣炎熱六天至八天淋一次水,冬天十至十二天才淋一次,也不要施肥太多,施肥太多會肥死.
Wai 兄，真的種蘭花，種得到係「好蘭」，而種唔到就梗係「好難」啦…講下笑啫！
回覆刪除哈哈…至於「蘭能可貴」便知蘭花有多貴呢？
Shu 兄，隨了深山老林野生的蘭花之外，據說蘭花有二萬多種，一般洋蘭都算粗生，只要有些水份，間中施肥，足夠日光就生長得很好。
刪除偉兄一盆蘭花竟然種咗十年，真係好掂呀! 有啲花香很好聞，有啲太濃烈的，我都唔受得。
回覆刪除好似水仙咁，少花的覺得好香，有年太多的花聚在一起開，攪到我呼吸不暢，晚晚要移到廚房，才有覺好瞓!
阿姨，我有一棵仙人掌種得仲耐，有十六年多，買回來只有手掌般高，依家仲高過我家屋頂，有兩盆亦有十幾年，換了好多次盆，下次post 比你睇。
刪除蘭花移種後要三幾年才會再開花，水仙花呢度唔多見有人種，所以唔知香味如何。
一般仙人掌都比較粗生，但要夠熱，天冷可能要放入室內了。聽說紐西蘭有時會很冷。
刪除我種過一株鐵樹由手掌大,種到幾尺高。送給我的同學再來見到那麼大株，竟然說嚇了她一跳。至於水仙花，只是在年底買回來浸，一年一度的年花吧了，這種花是很香的。
阿姨,我盆仙人掌好大盆,也很高,不能移入室内,你看照片就知有好大.
刪除不錯，都高過屋頂了，也不能移到屋內。也記錯你在紐西蘭，偉兄住的應是墨爾本。聽說澳洲也會很冷的。
刪除有地方種植總是一件生機蓬勃的好事。
Wai兄、呢盤蘭花形態像飛翔中小鳥、真係好靚。你講得啱、蘭花唔受水、亦唔受補、但冇又唔得、所以要種得靚真係要花點心思架！
回覆刪除域Sir，呢盤買番來時好細盆，還未有花開，若果買大盆和有花開的要貴成倍有多，啱架所有蘭花都唔受水，亦怕太多肥，所以要適量。
刪除