從以色列陸路過境到约旦有三個關口,一個在南部,一個在中部,一個在北部,之前睇過一些網誌說,出境以色列和入境約旦都非常麻煩,但我個人就覺得幾簡單方便,以色列出境呢個關口叫 Sheikh Hussin Bridge 先交105以色列元出境稅,拿到收据後去另外一個櫃檯,交護照和入境纸檢查蓋印之後,步行出境過對面約旦入境,约旦入境處見到遊客極少,我老妻小女我妹和我都不用排隊,每人一個窗口,我交護照時同移民官用亜拉伯文講一聲早晨,佢影完我相護照蓋印後,竟然從櫃檯伸手出來和我握手,是我去過幾十個國家的第一次有移民官同我握手,可惜我當時忘記和他拍番一張照片留念.
 |
| 約旦入境 |
 |
| 約旦入境大堂,就是中間個一位移民官同我握手 |
 |
| Jerash 入口 Hadrian's Arch |
 |
| Jerash 羅馬劇場 |
 |
| Jerash 羅馬劇場 |
 |
| 安曼市中心 |
 |
| 安曼市中心羅馬劇場 |
 |
| 安曼市中心交通非常擠迫 |
從以色列北部邊境到Jerash大约三個小時車程,距離只不過百多公里,但山路踦嶇不好走, Jerash我都唔知香港人點叫呢個地方,是中途經過停留,据旅遊書介紹是羅馬之外的羅馬,保存得最好的羅馬帝國古跡,有神殿,有兩個露天羅馬劇場,賽車場,浴池市場等,可惜經過一千三百多年前的一次大地震,加上政府缺錢維修保養,見到好多古跡倒塌毀壞,呢個古城佔地極廣,行完一圈剛好要兩個小時.
Jerash離約旦首都安曼40多公里,行車要一個小時,旅遊車只停在安曼市中心比我們落車行個圈影番幾張相,叫做到此一遊,途經美國大使館,遠遠看見有一路牌寫著不準拍照,街頭街尾各停一部裝甲軍車,幾十軍人荷槍實彈,此大使館是中東地區最大,面積有幾大?大约红館咁上下.
Wai兄、Jerash 望落去似係希臘人遺留下來嘅古蹟、我聽人講過此處叫「杰拉什」。從圖片所見、我覺得安曼市嘅民房更具特式。
回覆刪除域Sir，我都唔識分別乜嘢是叫希臘式和羅馬式，有一樣我肯定知道的是大家都是源自歐洲。
刪除安曼市冇乜高樓大廈，民房算有些特色多是黃色二至三層高。
我不敢在入境大堂的地方拍照片，怕惹麻煩！
回覆刪除Stella 姐，我見到冇禁止攝影的標示才敢拍，有些野蠻國家最好唔好拍。
刪除羅馬以外的羅馬，形容得很貼切，只不過就真的頗殘破了，似乎像希臘的廢墟多些！
回覆刪除Shu 兄，係呀，我都覺得希臘羅馬癈墟都差不多一樣唔容易分辨出。要對歐洲歴史文化有認識的人才能分辨出。
刪除羅馬之外的羅馬,既是羅馬，好像沒有什麼分別，但一樣是殘舊。
回覆刪除䍘姐，羅馬帝國以前彊土廣阔，到處留下歴史文物，隨咗羅馬之外以這區最多，所以有羅馬以外的羅馬之稱。
刪除按中東習俗，佢應該會同你抱一抱親一親，只可惜佢行唔到出嚟咋~ :D
回覆刪除靚女，真係極有可能架。
刪除我剛才在你博留言，不過唔見咗，可以在垃圾桶找出。