五鑽级酒家
 |
| 北京鹵肉 |
 |
| 野鮮菇雞球 |
 |
| 豆腐皮包肉丝 |
尋晚鋸扒的時候,小女忽然問我,點解香港有,澳洲冇米芝蓮餐廳評级? 佢問我,我問邊個?又使我想起餐廳評级,大约30多年前我去西班牙旅行時見到餐廳的門楣上用叉做評级,一巴叉至三巴叉,叉口向上,而法國就在門外用星做評级,今年九月去北京時就第一次見到用鑽石做評级,一至五粒,我包車去居庸關長城,玩完回程時在南口午膳,見到呢間有五粒鑽石咁犀利,不如入去試下.
呢間餐廳名字真不好記,所以想來想去都想唔起叫乜,好似叫金殿,原來老表的鑽石評级制度,同洋鬼子米之蓮相反,老表首要看停車場有幾大可停多少車,其次餐廳的衛生,環境和厕所真係幾衛生,之後才是服務態度和食物質素.若果只睇鑽石的評级而去光顧,一定會感到失望.
拿,睇睇今次五鑽石餐廳的食物,不是我奄尖,顺便擦Stella 姐鞋,她有寫食評,前幾日介绍牛池灣個間街坊小食新志興睇相仲好過呢間好多,我問服務員有甚麼好介绍?她介绍北京鹵肉和豆腐皮包肉絲,我就話麻麻地,不過小兒小女話好味,真係比佢地激死,佢地只食肉不食皮,肉跟白飯同吃,甜酸咕噜肉味道的,小兒小女正是鬼佬口味,以上四菜一湯,四碗白飯,兩罐可樂,一枝啤酒,盛惠420元人仔.
看起來是夠吸引的，至於好不好吃就不知了！
回覆刪除阿姨,味道一般,北方人的口味跟我們廣東人不一樣,鬼佬都唔係好鍾意,墨爾本幾年前在我家附近開了一間京菜,做了幾個月就執埋.
刪除偉兄，我在墨爾本工作過，那時我任事的酒店剛在從四星升格至五星的考察期，所以我覺得澳洲也是有「星」別的，而那間酒店以我來看，若跟港比較，頂多是三星級，因為當我見工時，哈哈…那酒店大堂根本是唔起眼，但是，那裡的plaza room （等同總統套房）卻要四千澳元一晚，那一年是1989！
回覆刪除Shu 兄,墨爾本的酒店有星级,不過唔肯定是不是官方, 但餐廳就唔多覺有,至於米芝蓮暫時還未有,据說亜洲只得幾個國家有,好多人話米芝蓮是鬼佬口味,前年返香港玩時去試過米芝蓮的一星旺角利苑和舊年的添好運.
刪除1988年我第一次在國內吃飯是東方賓館，跟著是花園酒店，吃的味道都是一樣,,,,,,,相信他們都用同一樣味精罷！
回覆刪除我在牛池灣吃碟頭飯吃得痛快，但我跟旅行團到內地旅行對食的感覺得忐忑，記得1999年我參加東方日報和電訊公司合辨的旅遊活動比賽，我是被選拔第二名，得永安旅遊$12000，當中我有提及：我最愛中國各鄉地道美食。
Stella 姐,嘩咁叻,食家就是食家,有成$12000 我想大概是旅遊券,不能兌換現金,又使我想起一位朋友廾幾前公司的春節團拜抽獎的頭獎,康泰旅遊代用券$5000,佢仲請我去跟星架坡團玩咗幾天.我依家做緊的公司每年都有聖誕聚餐大抽獎,頭獎雙人來回机票,有時去巴里島,有時去新西蘭,星,馬,泰等國,二獎三獎,家庭電器用品紅酒等,不過可惜十幾年未抽中過一次.
刪除Wai 兄、咱家天朝近年大搞廁所文化、不斷鼓厲民間搞好廁所衛生環境、所以才衍生出這種獨特嘅評級排序。不過在下見圖中那碟雜菜賣相十分靚、相信味道也不會差到那裡去。
回覆刪除域 Sir, 老表以前的廁所真係唔敢去,不過自從攪咕咗收費後,情況就好多了.
刪除老表這種獨有的評级排序,假假地都是全國評審委員會評為五粒鑽石,算是最高级,睇資料一比就比四年,雖然摘鑽石也要等四年後,但總不能令呢班友面目無光,所以呢間味道還算 OK,價錢非常合理.
ng Wai 晚上好,
回覆刪除真係口味各不同,前三個菜看來味道都幾濃吓喎,
華兄,早上好,
刪除對的北方人的口味是好濃,我都唔多鍾意,始终賣花讚花香,都係粵菜好,所以在欧美澳等地都是粵菜酒樓多.
未看你的文章, 就猜一定是北京喇! 果然估中, 其實好多遊客區的食店都不及一些不起眼的小店, 但一定要熟人帶囉!
回覆刪除京菜太多油我都麻麻呀! 謝謝分享!
Candy 姐,京菜真係好多油,川湘菜就太辣,滬杭菜冇變化,都係粤菜好味些少.
刪除